आइसिटी समाचार
अब विद्युतीय अतिरिक्त सेवा (डिजिटल भ्यालु एडेड सर्भिसेस) सञ्चालन गर्न चाहने व्यक्तिले नेपाल दूरसञ्चार प्राधिकरणबाट अनुमति लिनुपर्ने भएको छ ।
प्राधिकरणले विद्युतीय अतिरिक्त सेवा सञ्चालन सम्बन्धि कार्यविधि, २०७९ को मस्यौदामा यस सम्बन्धि व्यवस्था गरेको हो ।
सेवा सञ्चालन गर्न चाहने व्यक्तिले नियम अनुसार आफुले सञ्चालन गर्न चाहेको सेवा सम्बन्धि कार्य सञ्चालन योजना संलग्न गरी प्राधिकरणमा निवेदन दिनुपर्ने मस्यौदामा उल्लेख गरिएको छ ।
निवेदन दिएपछि प्राधिकरणले उक्त सेवाका लागि आवश्यक नम्बर उपलब्ध गराउने छ भने सेवा शुल्क स्वीकृत गर्नेछ । त्यसपछि सेवा सञ्चालन गर्न सकिने छ ।
उक्त मस्यौदा कार्यविधि उपर कुनै राय, सुझाव तथा प्रतिक्रिया भए चैत १७ गतेभित्र प्राधिकरणले कार्यालयमा वा [email protected], [email protected] मा पठाउन सकिने छ ।
यस्तो छ मस्यौदा
