आईसीटी समाचार
साओमीले भारतमा ६७ वाटको सोनिक चार्ज ३.० फास्ट चार्जर सार्वजनिक गरेको छ । सबैखाले डिभाइसमा यो चार्जर प्रयोग गर्न सकिने छ ।
६७ वाटको फास्ट चार्जरमा १ मिटर लामो युएसबी टाइपसी केबल दिइएको छ । यो सेतो रंगमा उपलब्ध हुनेछ । यसले ५ हजार एमएएचको ब्याट्री ३६ मिनेटमै फुल चार्ज गर्ने कम्पनीको दावी छ ।
स्मार्टफोन, ल्यापटप, फिटनेस ट्र्याकर, स्मार्टवाच तथा ट्याबलेटसहित अन्य युएसबी टाइपसी सपोर्ट गर्ने डिभाइसहरुमा यो चार्जिङ प्रयोग गर्न सकिने कम्पनीले जनाएको छ ।
चार्जरले १०० देखि १२० भोल्टको इनपुट लिन्छ र ६७ वाटको आउटपुट प्रदान गर्छ । भारतीय बजारमा ६७ वाटको फास्ट चार्जरको मूल्य १ हजार ९९९ भारतीय रुपैयाँ तोकिएको छ ।
