शुक्रबार, २२ श्रावण, २०७८
Friday, 06 August, 2021

मोबाइल बैंकिङको कारोबार अहिलेसम्म कै उच्च, ११ महिनामा १८२ प्रतिशतले वृद्धि

डिजिटल भुक्तानीको साक्षरता बढिरहेको बेला मोबाइल बैंकिङ कारोबार अहिलेसम्म कै उच्च भएको छ । 

नेपाल राष्ट्र बैंकले सार्वजनिक गरेको चालु आर्थिक वर्षको ११ महिनाको तथ्यांकअनुसार मोबाइल बैंकिङबाट ५३ अर्ब १६ करोड रुपैयाँ बराबरको कारोबार भएको छ । यो अहिलेसम्म कै उच्च कारोबार हो । 

यसअघिको बैंक जेठमा ४८ अर्ब ८८ करोड ७० लाख रुपैयाँ बराबरको कारोबार भएको थियो । एक महिना मै ८ प्रतिशतले वृद्धि भएको छ । 

चालु आर्थिक वर्षको ११ महिनाको तथ्यांक हेर्ने हो भने पनि यस अवधिमा १८२ प्रतिशतले वृद्धि भएको छ ।  

यस वर्षको पहिलो महिनामा मोबाइल बैंककिङको कारोबार १८ अर्ब ८३ करोड ९० लाख रुपैयाँ थियो । ११ महिनामा आइपुग्दा १८२ प्रतिशतले वृद्धि हुदै ५३ अर्ब बढी भएको हो । यो वर्षभरी मोबाइल बैंकिङ निरन्तर वृद्धि भएको देखिन्छ । 

मोबाइल बैंकिङ कारोबार गर्न बैंक तथा वित्तीय संस्थाहरु लागिरहेका छन् । पछिल्लो एक वर्षदेखि कोरोना संक्रमण बढेसँगै मोबाइल बैंक ह्वात्तै बढेको छ । बैंकहरुले आफ्नो नयाँ डिजिटल प्लेटफर्महरु सार्वजनिक गर्ने र नयाँ फिचरहरु थपिरहेका छन् । 

कनेट आईपीएसको बढ्यो, क्युआर र वालेटको घट्यो 

राष्ट्र बैंकको तथ्यांकअनुसार ११ महिनामा कनेट आइपीएसको कारोबार बढेको छ भने क्युआरमा आधारित पेमेन्ट र वालेट पेमेन्ट घटेको छ ।

जेठ महिनामा कनेट आइपीएसबाट १ खर्ब ५८ अर्ब २५ करोड ४० लाख रुपैया बराबरको कारोबार भएको छ । त्यसअघिको महिनामा भने १ खर्ब ४१ अर्ब २७ करोडको कारोबार भएको थियो । 

वालेटबाट हुने कारोबार र क्युआरमा आधारित कारोबार भने घटेको छ । 

जेठ महिनामा वालेटबाट ८ अर्ब ३५ करोड ३० लाख रुपैयाँ बराबरको कारोबार भएको छ । अघिल्लो महिना भनेको १० अर्ब १० करोड ६० लाख रुपैयाँ बराबरको कारोबार भएको थियो । 

त्यस्तै, क्युआरमा आधारित पेमेन्ट १ अर्ब ९६ करोड ८० लाख रुपैयाँ बराबरको भएको छ । जब कि त्यसअघिको महिलनामा २ अर्ब ५२ करोड ९० लाख रुपैयाँ बराबरको कारोबार भएको थियो । 
 

सम्बन्धित समाचार