आईसीटी समाचार
एप्पलले एलटीई पेटेन्ट विवादमा ३०० मिलियन डलर अर्थात ३५ अर्ब ६४ करोड ४२ लाख रूपैयाँ जरिवाना तिनुपर्ने भएको छ । एप्पलले वायरलेस प्रविधि प्रयोग गरिरहनका लागि यो जरिवाना तिर्नुपर्ने भएको हो । ब्लुमबर्ग र द रेजिस्टरका अनुसार टेक्ससको जुरीले एप्पलले अप्टीस नामक पेटेन्ट फर्मलाई ३०० मिलियन डलर तिर्नुपर्ने भएको छ ।
एप्पलले आईफोन र आईप्याड जस्ता डिभाइसमा एलटीई सेलुलर सेवाको पेटेन्ट विरुद्ध काम गरेकाले जरिवाना तिर्नुपरेको बताइएको छ । अप्टिसको पेटेन्ट एलजी, पानासोनिक र सामसङ जस्ता कम्पनीहरुसँग पनि रहेको छ । एप्पलले पनि यो मुद्दा आफ्नो तर्फबाट लडिरहने र सकभर पैसा नदिने बताएको छ ।
अप्टिसले पटकपटक अनावश्यक कारण पैसा मागिरहेको एप्पलले आरोप लगाएको छ । तर यो रकम एप्पललाई दिन खासै गाह्रो भने हुने छैन् किनभने यही त्रैमासिकमा मात्रै एप्पलले २१.७ बिलियन आम्दानी गरेको छ ।
