आईसीटी समाचार
प्रधानमन्त्री पुष्पकमल दाहाल ‘प्रचण्ड’ले विद्युतीय हाजिरी मेसिन घर लैजाने त्रिभुवन विश्वविद्यालयका प्राध्यापकलाई कानुनबमोजिम कारवाही हुने बताएका छन् ।
मंगलबार प्रतिनिधि सभामा सांसदले सोधेको प्रश्नको जवाफ दिदै प्रधानमन्त्रीले विद्युतीय हाजिरी मेसिन घर लैजाने प्राध्यापकलाई कानुन बमोजिम कारवाही हुने बताएका हुन् ।
‘स्वायत्त निकायको रूपमा त्रिभुवन विश्वविद्यालयका काम कार्यवाहीहरू त्रिभुवन विश्वविद्यालय ऐन¸ २०४९ बमोजिम सञ्चालनमा रहेका छन्। विश्वविद्यालयको हाजिरी व्यवस्थापन सम्बन्धमा विश्वविद्यालयको आन्तरिक प्रशासनले नियमन गरिरहेको र नियम बमोजिम नभएका कार्यहरूमा सम्बन्धितलाई कानूनबमोजिम कारबाही हुने नै छ,’ प्रधानमन्त्रीले भनेका छन् ।
