आईसीटी समाचार
प्रेसिडेन्सियल बिजनेश स्कूल (पीबीएस) नेपालमै गुणस्तरीय शिक्षा दिने उद्देश्यले करिब १२ वर्ष अगाडि स्थापना भएको थियो । काठमाडौंको थापागाउँमा रहेको कलेजले विद्यार्थीलाई घोकन्ते शिक्षा भन्दा पनि व्यवहारिक शिक्षामा जोड दिएको छ ।
विश्वकै प्रतिष्ठित विश्वविद्यालय अमेरिकाको वेष्टक्लिफ विश्वविद्यालयबाट सम्बन्धन प्राप्त कलेजमा व्यवस्थापन तथा सूचना प्रविधिका विषयमा अध्ययन अध्यापन हुँदै आएको छ ।
प्रेसिडेन्सियल बिजनेश स्कूल नेपालमै आईटी कोर्षमा अन्तर्राष्ट्रिय डिग्री दिदै आएको छ । कलेजमा आईटीतर्फ बीएसी आईटी साइबर सेक्युरिटी, बीएसी इन एआई र मेशिन लर्निंग र बीएसी आईटी इन मल्टिमिडिया एण्ड एआर/भिआर मोबाइल गेम जस्ता कोर्षको अध्ययन अध्यापन हुँदै आएको कलेजका आईटी प्रोग्राम डाइरेक्टर डा.सुरेश पोखरेलले बताए ।
‘हामीले आईटी प्रोग्राम अन्तर्गत, बीएससीआइटी र एमएससी आइटी प्रोग्राम सञ्चालन गर्दै आएका छौं,’ उनले आइसिटी समाचारसँग भने, ‘अहिलेको बजारको प्रवृत्ति, अहिलेको प्रविधि र भविष्यमा आउन सक्ने प्रविधिलाई ध्यानमा राखेर पाठ्यक्रम तयार पारी अध्ययन अध्यापन गराईरहेका छौं ।’
कलेजले पाठ्यक्रम बाहेक विद्यार्थीको सीप तथा ज्ञानलाई निखार्न मनोविज्ञान, दिगो विकास लगायत विविध अतिरिक्त विषय समेत अध्यापन गराउँदै आएको छ । दक्षिण एशियाकै सर्वोत्कृष्ट शैक्षिक संस्था बन्ने लक्ष्य बोकेको कलेजले आइटी क्षेत्रमा अहिलेसम्म राम्रो नतिजा ल्याउन सफल भएको छ ।
प्रयोगात्मक अभ्यासमा पनि जोड दिँदै आएको कलेजले विद्यार्थीको चौतर्फी विकासका लागि डिजिटल ट्रान्सफर्मेशन सेसन, गेष्ट स्पीकर सेसन, वर्कसप, टोस्टमास्टर्स क्लब, राईटिंग सेन्टर, जब प्लेसमेन्ट सेल, स्कील ल्याब लगायतको व्यवस्था गरेको छ ।
विद्यार्थीलाई अभिप्रेरित र प्रोत्साहन गर्दै छात्रवृत्तिको कार्यक्रम समेत पिबिएसमा रहेको छ । विद्यार्थीको सर्वाङ्गीण विकासका लागि पाठ्यक्रम सम्बन्धि विविध गतिविध समावेश गरिएको छ ।
विद्यार्थीको क्षमता विकासका लागि विदेशमा समेत इन्टर्नसिपको व्यवस्था गरेको उनी बताउँछन् । त्यसकारण पनि विद्यार्थीको रोजाईमा पिबीएस पर्दै आएको छ । कलेजमा खेलकुद, शैक्षिक भ्रमण, श्रोतयुक्त लाइबेरी, प्रविधियुक्त कक्षा कोठा,सुन्दर शान्त वातावरणमा अध्यापन, लगायतका सुविधाहरू पोखरेलको दावी छ ।
प्लस टु सकेर आईटी र व्यवस्थापनमा उच्च शिक्षा हासिल गर्न खोजिरहेका विद्यार्थीहरुका लागि यो कलेज उपयुक्त गन्तव्य बन्न सक्ने छ ।
