आईसीटी समाचार
काठमाडौं । एआई प्रडक्ट र सर्भिसमा काम गरिरहेको विश्वप्रसिद्ध कम्पनी फ्युजमेसिन्सले नेपालमा पहिलो पटक 'फ्युज एआई सेन्टर' सञ्चालनमा ल्याउने भएको छ ।
एआईसम्बन्धी ट्रेनिङ र रिसर्चका लागि सञ्चालनमा आउने यो एआई सेन्टर आर्टिफिसियल इन्टेलिजेन्सलाई डेमोक्रटाइज गर्ने उद्धेश्यका साथ सुरु गरिएको हो ।
२०१७ मा सुरु गरिएको ग्लोबल एआई फेलोसिप कार्यक्रमको सफलतापछि एआई सेन्टर सुरु गरिएको हो ।
फ्युजमेसिन्सले अब अनलाइन प्लाटफर्मका अतिरिक्त क्लासरुममा आधारित एआई ट्रेनिङ सुरु गर्नेछ ।
फ्युजमेसिन्सले मेसिन लर्निङ, डिप लर्निङ, नेचुरल ल्याङवेज प्रोसेसिङ एन्ड कम्प्युटर भिजन आदि विषयमा ट्रेनिङ प्रदान गर्नेछ ।
ट्रेनिङका लागि अनलाइन पाठ्यक्रम कोलम्बिया युनिभर्सिटी फ्याकल्टी र एआई इन्डस्ट्री एक्स्पर्टबाट ग्लोबल एआई जब मार्केटमा दक्ष इन्जिनियरि उत्पादन गर्ने उद्धेश्यसहित निर्माण गरिएको हो ।
विद्यार्थीले फ्युजमेसिन्सबाट पिएचडीसम्मको पहुँच प्राप्त गर्ने छन् भने फ्रि सर्भर क्रेडिटसहित एआई कोडिङ प्लाटफर्म पाउने छन् । एआई इभेन्ट र वेबिनारहरुमा सहभागी हुने अवसर समेत पाउने छन् ।
फ्युज एआई सेन्टरले स्टुडेन्ट सेन्टरको अवधारणा समेत सुरु गरी एआई इन्जिनियरहरुको साझा कम्युनिटी निर्माण गर्ने छ ।
फ्युज मेसिन्सका सिइओ/संस्थापक डा. समीर मास्के भन्छन्, ‘यो अग्रसरतासँगै हामीले ठूलो संख्यालाई आर्टिफिसियल इन्टेलिजेन्समा एजुकेट गर्दैछौं र नेपालका लागि एआई ट्यालेन्टका लागि प्रशस्त अवसर प्रदान गर्दैछौं ।’
फ्युजमेसिन्सले यो वर्ष काठमाडौंमा एआई सेन्टर सञ्चालनमा ल्याएपछि हरेक प्रदेशमा यस्ता एआई सेन्टर खोल्ने योजना ल्याएको छ ।
थप जानकारी : www.fuse.ai
