आईसीटी समाचार
काठमाडौं । इन्टरनेट सेवा प्रदायक कम्पनी क्लासिक टेकले ग्राहकका लागि ‘१ वर्ष जोड्नुस्, ४ वर्ष हेर्नुस्’ नामक विशेष अफर सार्वजनिक गरेको छ । यस अफरअन्तर्गत ग्राहकहरूले ३०० एमबीपीएस उच्च गतिको इन्टरनेटसँगै आईपी टिभी जडान गर्दा ४ वर्षसम्म निःशुल्क आईपी टिभी सेवा प्राप्त गर्नेछन् ।
साथै, वाइफाई ६ राउटर समेत नि:शुल्क उपलब्ध गराइने कम्पनीले जनाएको छ । कम्पनीका अनुसार यो सेवा दैनिक करिब रु ४० को दरमा वार्षिक जडान गर्न सकिनेछ । एचडी तथा एसडी प्रिमियम टिभी च्यानलहरूमा मनोरञ्जन, खेलकुद, बालबालिका र इतिहास सम्बन्धी सयौं च्यानलहरू समावेश गरिएको छ ।
सामान्य अवस्थामा प्रति महिना करिब रु ५०० पर्ने टिभी सेवा यो अफरअन्तर्गत मात्र रु २०३ प्रति महिनामा उपलब्ध हुने कम्पनीको दाबी छ । यसबाट ग्राहकले करिब रु ७,३२२ बराबरको फाइदा पाउने उल्लेख गरिएको छ । कम्पनीले ग्राहकको बढ्दो डिजिटल आवश्यकता ध्यानमा राख्दै यो विशेष योजना ल्याएको जनाएको छ ।
