आईसीटी समाचार
मेरो जब लिमिटेडले गूगल एलएलसीसँगको सहकार्यमा गूगल करियर सर्टिफिकेट छात्रवृत्ति कार्यक्रम घोषणा गरेको छ । सूचना प्रविधिको क्षेत्रमा केही गर्न र सीपलाई अझै तिखार्न चाहनेका लागि गूगल करियर सर्टिफिकेट छात्रवृत्ति कार्यक्रम उपयोगी हुनेछ ।
यो तालिम ६ महिनासम्म अनलाइनबाट सञ्चालन हुनेछ । पहिलो चरणमा प्ताप्त आवेदनका आधारमा ५०० जनालाई तालिम प्रदान गरिनेछ ।
सहभागीलाई साइबर सुरक्षा, डेटा एनालाइटिक्स, डिजिटल मार्केटिङ एण्ड ई-कमर्स, आईटी सपोर्ट, प्रोजेक्ट म्यानेजमेन्ट, युएक्स डिजाइन बारेमा विस्तृत ज्ञान प्रदान गरिने जनाइएको छ ।
यस तालिममा सहभागी हुन कुनै अनुभवको आवश्यकता पर्ने छैन् । आर्थिक रूपमा पिछडिएका र सीमान्तकृत समुदायलाई प्राथमिकता दिइने मेरो जबले जनाएको छ ।
तालिममा सहभागी हुनका लागि भरपर्दो इन्टरनेट सुविधा, ल्यापटप वा कम्प्युटर, अंग्रेजी पढ्न, लेख्न र बुझ्न तथा लर्निङ प्लेटफर्मको प्रयोग गर्न जान्नुपर्ने छ । तालिमको सबै कोर्ष अंग्रेजी भाषामा डिजाइन गरिएको छ ।
तालिममा सहभागी हुनेलाई कोर्षको एक्सेस, इन्डष्ट्री एक्सपर्टसँग वेबिनार, कोर्ष पुरा भएको गूगलबाट प्रमाणपत्र, करियर काउन्सिलिङ, अन्तर्वाता तयारी लगायतको सुविधा पाइने बताइएको छ ।
यदी तपाई पनि गूगल करियर सर्टिफिकेट छात्रवृत्ति कार्यक्रममा सहभागी हुन चाहनुहुन्छ भने यहाँ क्लिक गरी आवेदन दिन सक्नुहुनेछ । आवेदन आगामी मे २५ सम्म दिन सकिने छ ।
