आईसीटी समाचार
अन्तर्राष्ट्रिय दूरसञ्चार संघ (आईटीयू) को एरिया अफिस एण्ड इन्नोभेसन सेन्टरको प्रमुखमा डा. प्रनिता उपाध्याय नियुक्त भएकी छन् ।
नेपालको सूचना प्रविधि क्षेत्रमा महत्त्वपूर्ण योगदान दिएकी उपाध्याय नयाँ दिल्लीमा रहेको आईटीयुको एरिया अफिस एण्ड इन्नोभेसन सेन्टरको प्रमुखमा नियुक्त भएकी हुन् ।
आईटीयूको एशिया एण्ड प्यासिफिक क्षेत्रीय कार्यालयले बधाई दिदै इन्नोभेसन सेन्टरमा उपाध्यायको महत्त्वपूर्ण योगदान हुने जानकारी दिएको छ ।
कम्प्युटर इन्जिनियरिङमा विद्यावारिधि गरेकी उनको सूचना प्रविधि क्षेत्रमा २७ वर्ष बढीको लामो अनुभव छ । एआई, साइबर सुरक्षा, स्वास्थ्य प्रविधिमा उपाध्यायको विशेष दख्खल रहेको छ ।
