कोशी प्रदेशमा अप्टिकल फाइबर सहप्रयोगका लागि उपलब्ध गराउँदै नेपाल टेलिकम

नेपाल टेलिकमले कोशी प्रदेशमा अप्टिकल फाइबर अन्य दूरसञ्चार सेवा प्रदायकलाई सह-प्रयोगका लागि उपलब्ध गराउने भएको छ ।

 एक सूचना प्रकाशित गर्दै टेलिकमले कोशी प्रदेशमा तयार भएका अप्टिकल फाइबर भाडामा उपलब्ध गराउन इन्छुक दूरसञ्चार सेवा प्रदायकलाई निवेदन दिन आह्वान गरेको हो । 

बिर्तामोड-इटहरी, इटहरी-धरान, धरान-हिले, हिले-बसन्तपुर, सङ्क्रान्ति बजार-म्याङ्लुग, फिदिम-सङ्क्रान्ति बजार, चन्द्रगढी-चारआली-इलाम, बिर्तामोड-चारआली, घुर्मी-दिक्तेल, घुर्मी-ओखलढुङ्गा-सल्लेरी रूटमा टेलिकमले अप्टिकल फाइबर अन्यलाई भाडामा उपलब्ध गराउने छ । 

नेपाल दूरसञ्चार प्राधिकरण र नेपाल टेलिकम बीच सम्झौता अन्तर्गत ग्रामीण दूरसञ्चार विकास कोष (RTDF) मार्फत कोशी प्रदेशमा तयार भएका अप्टिकल फाइबर सह-प्रयोगका लागि दिन लागेको हो ।