आईसीटी समाचार
युट्युबले आस्क बटन फिचर सार्वजनिक गर्न सुरू गरेको छ । सुरूवाती सममयमा यसले आस्क बटन सुविधा हाल केही अंग्रेजी भिडियोहरूमा मात्र काम गर्नेछ ।
आस्क फिचरबाट प्रयोगकर्ताले भिडियोसँग सम्बन्धित प्रश्न सोध्न सक्नेछन् । यसका साथै प्रयोगकर्ताहरूलाई कमेन्ट नेभिगेट गर्न पनि सजिलो हुनेछ । यो नयाँ सुविधा युट्युब पेजमा रहेको नयाँ आस्क बटनको साथ प्रयोग गर्न सकिन्छ ।
यो सुविधाबाट प्रयोगकर्ताले भिडियोसँग सम्बन्धित सामग्रीको बारेमा थप जानकारी प्राप्त गर्न एआईसँग अन्तरक्रिया गर्न सक्षम हुनेछन् । प्रयोगकर्ताले ठूलो भाषा मोडेलहरूद्वारा उत्पन्न सामग्रीको साथ भिडियोको बारेमा सोधिएका प्रश्नहरूको जवाफ पाउनेछन् ।
भिडियो हेर्दा युट्युबको आस्क बटन प्रयोग गर्न सकिन्छ । भिडियो हेर्दै गर्दा, तपाईंले यस भिडियोको बारेमा सोधेर वा सम्बन्धित सामग्री प्रम्प्ट सिफारिस गरेर भिडियोको बारेमा जानकारी प्राप्त गर्न सक्नुहुनेछ ।
यसबाट प्रयोगकर्ताका जिज्ञासा र प्रतिक्रिया पनि पेश गरिने कम्पनीले जनाएको छ । प्रयोगकर्ताका प्रश्नहरू ३० दिनपछि स्वतः मेटिनेछन् ।
कम्पनीले प्रयोगकर्ताको कन्भरसेसनलाई विज्ञापन देखाउन प्रयोग नगरिने स्पष्ट पारेको छ । यदि प्रयोगकर्ताले कुनै परिवर्तन देख्यो भने, कम्पनीले प्रयोगकर्तालाई यो परिवर्तनको बारेमा सूचित गर्नेछ । आस्क बटन फिचर सबै प्रयोगकर्ताले पाउन भने केही समय लाग्ने छ ।
