राइड हेलिङ प्लेटफर्म इन्ड्राइभ नेपालमा लोकप्रिय छ । यसमा चालक र यात्रु दुबैले बार्गेनिङ गर्न सक्छन् । 

विश्वका ४६ देशमा फैलिएको इन्ड्राइभले नेपाली बजारमा पनि विशेष ध्यान केन्द्रित गरेको छ ।  

हालै इन्ड्राइभका एशिया प्यासिफिक क्षेत्रका प्रमुख मार्क टली नेपाल आएका थिए । यसै सन्दर्भमा इन्ड्राइभले नेपालमा गरिरहेको काम, चुनौती र आगामी योजनाबारे उनै टलीसँग आइसिटी समाचारले गरेको कुराकानीको सम्पादित अंश:

केही दिन अगाडि महिला यात्रुलाई इन्ड्राइभरका राइडरले दुर्व्यवहार गरेको घटना सार्वजनिक भएको थियो । यसमा इन्ड्राइभको धारणा के छ ? 

इन्ड्राइभले सुरूवातदेखि नै जिरो टोलोरेन्स नीति अंगीकार गरेको छ । सेवाग्राहीहरूमाथि गरिने कुनै पनि आपत्तिजनक, गैरकानूनी र दुर्व्यवहारपूर्ण कार्य कडा रूपमा निन्दा गर्दछौं । विशेषगरी इन्ड्राइभले महिलाहरूको सुरक्षालाई प्राथमिकता दिदै आएको छ ।

यात्राको अनुभवलाई उत्कृष्ट बनाउने कार्य सधैं जारी छ । केही दिन अगाडि महिला यात्रुमाथि इन्ड्राइभ राइडरबाट भएको घटनाप्रति क्षमा चाहन्छौं । इन्ड्राइभ एउटा जिम्मेवार कम्पनी हो । त्यसैले यस घटनालाई निष्पक्ष रूपमा अनुसन्धान गर्नका लागि सम्बन्धित निकायसँग हामीले पूर्ण रूपमा सहकार्य गरेका छौं ।

सेवालाई निरन्तर रूपमा सुधार गर्न हामी प्रतिबद्ध छौं । यो हाम्रो मुख्य भ्यालु पनि हो । आगामी दिनमा यस्ता दुर्व्यवहारका घटना दोहोरिन नदिन काम गर्नेछौं । इन्ड्राइभ छनौटलाई सुरक्षित बनाउन सुनिश्चित गर्ने हाम्रो उद्देश्य हो । इन्ड्राइभमा केही सेफ्टी फिचर समेत छन् । एपमा सेफ्टी बटन छ, जसले प्रयोगकर्तालाई हाम्रो सपोर्ट, प्रहरी र एम्बुलेन्समा सम्पर्क गर्न अनुमति दिनेछ । 

यस्तै प्रयोगकर्ताले आपतकालीन अवस्थामा ट्रेस्टेड व्यक्तिलाई समेत सम्पर्क गर्न सक्छन्, जसका लागि एपको इमरजेन्सी कन्ट्याक्टमा ५ वटासम्म सम्पर्क नम्बर राख्न सकिन्छ ।  

साथै शेयर योर राइड फिचरबाट यात्रु र राइडर दुबैल आफ्नो परिवार र साथीभाइसँग लाइभ लोकेसन शेयर गर्न सक्छन् । अर्को हामीसँग यात्रु र ड्राइभरलाई रेटिङ गर्ने फिचर पनि छ । यस अनुसार इन्ड्राइभबाट यात्रा गर्दा रेटिङ हेरेर गर्न सकिने छ । 

इन्ड्राइभ नेपालीहरूको रोजाइमा परेको छ । नेपालमा इन्ड्राइभ सफल हुनु पछाडिका कारणहरू के के हुन ? 

हामीले नेपालमा अथाह वृद्धि देखेका छौं । वार्षिकरूपमा ३० प्रतिशतले इन्ड्राइभ वृद्धि भइरहेको छ । यात्रु ३० प्रतिशत र ड्राइभर ५० देखि ६० प्रतिशतसम्मले वार्षिक रूपमा वृद्धि भइरहेका छन् । नेपाली जनताको साथ सहयोगले यो वृद्धि सफल भएको हो । सर्वप्रथम म सबैलाई धन्यवाद दिन चाहन्छु ।

कुनै पनि बजारमा प्रवेश इन्ड्राइभ स्थानीय समुदायलाई सपोर्ट गर्नेमा केन्द्रित हुन्छ । यस बाहेक हामीले एफोर्डेबल र कन्भियन्स सेवा दिन्छौं । नेपाल जस्तो देशको मोबिलिटी उद्योग, इन्ड्राइभ जस्ता कम्पनीको इन्नोभेसनमार्फत उत्कृष्ट भइरहेको छ । बढ्दो शहरीकरणका कारण यातायात व्यवस्थामा देखिएका समस्यालाई पनि सुधार गर्न यसले भूमिका खेलेको छ ।

अर्को कुरा इन्ड्राइभ ‘भ्यालु फर मनी’ छ । इन्ड्राइभका यात्रु तथा राइडरले यात्रा गर्नुभन्दा अगाडि आफ्नो मूल्य आफै तोक्न सक्छन् । त्यो सुविधा हामीले दिएका छौं । इन्ड्राइभले ड्राइभरबाट १० प्रतिशत मात्रै कमिसन लिने गरेको छ । यसले ड्राइभरलाई अझै धेरै आम्दानी गर्न सघाउँछ । यात्रु र ड्राइभरका लागि उपलब्ध भएका यी सुविधाले नेपालमा इन्ड्राइभ सफल भएको जस्तो लाग्छ । 

इन्ड्राइभले नागरिक र समुदाय केन्द्रित अवधारणामा जोड दिएको छ । यस अवधारणा नेपाल जस्ता स्थानीय बजारमा कसरी प्रतिबिम्बित भइरहेको छ ? 

इन्ड्राइभले प्रयोगकर्तालाई छनौट र नियन्त्रणमार्फत सशक्तिकरण गर्न खोजेको छ । यात्रुले राइडरको रेटिङ, भेहिकल र समयको आधारमा आफ्नो राइड छनौट गर्न सक्छन् ।

यस्तै ड्राइभरले पनि प्यासेन्जर छनौट गरेर राइड लिन सक्छन् । इन्ड्राइभले राइडर र यात्रु दवैलाई आफ्नो राइड छनौट आफै गर्न सक्ने स्वतन्त्रता दिएको छ । इन्ड्राइभले स्वतन्त्रतालाई सधैं प्रवर्द्धन गर्ने गरेका छौं ।

मोबिलिटी उद्योगमा सस्टेनेबिलिटीको महत्त्वपूर्ण हुँदै गएको छ । सस्टेनेबिलिटी अभ्यासहरूलाई इन्ड्राइभले कसरी समावेश गरिरहेको छ ?  

विश्व नै सस्टेनिबिलिटी अर्थात दिगोमा केन्द्रित भइरहेको छ । यसमा इन्ड्राइभ पनि फरक छैन् । इन्ड्राइभले मोबिलिटी उद्योगको दिगोपनमा जोड दिइरहेको छ । यसलाई हामीले ‘इन्ड्राइभ कम्फर्ट’ फिचर ल्याएर नेपालमा सबैभन्दा पहिला सम्बोधन गरेका छौं ।

इन्ड्राइभ कम्फर्टका सबै कारहरू विद्युतीय हुन् । यसले प्रयोगकर्तालाई सहज र सुविधायुक्त यात्रा गर्न सघाउने छ । कम्फर्टलाई धेरै प्रयोगकर्ताले मन समेत पराइदिनु भएको छ । 

दक्षिण एशियाली क्षेत्रमा राइड हेलिङ उद्योगले कस्ता चुनौती भोगिरहेको छ र इन्ड्राइभले चुनौतीहरूको सामना कसरी गर्दै आएको छ ? 

हामीले दक्षिण एशिया क्षेत्रमा मोबिलिटीको डिमाण्ड बढिरहेको देखेका छौं । तर सँगसँगै केही चुनौती पनि देखिएका छन् । मोबिलिटी उद्योग वृद्धि हुँदा नियमहरू पनि परिवर्तन हुँदै आएका छन् । इन्ड्राइभले सधैं स्थानीय कानुनलाई पालना गर्दै नियमनमा सघाइरहेको छ । 

अर्को चुनौती भनेको प्रतिस्पर्धा पनि हो । त्यसका लागि इन्ड्राइभको पियर टु पियर मोडलले धेरै सघाएको छ । यात्रु र ड्राइभरलाई स्वतन्त्रता प्रदान गरेको छ । 

प्रतिस्पर्धाको सामना गर्न र प्रयोगकर्ताको अनुभवलाई वृद्धि गर्न इन्ड्राइभले इन्नोभेसनको लाभ कसरी लिइरहेको छ ?  

सबै उयोगमा इन्नोभेसन आवश्यक छ । विशेष गरी मोबिलिटी उद्योगमा अझ धेरै । हामीले पियर टु पियर मोडेलमार्फत यात्रु र ड्राइभरलाई छनौटको सुविधा दिएका छौं । कमिसनमा पनि इन्ड्राइभले इन्नोभेसन ल्याएको छ ।

हाम्रो कमिसन १० प्रतिशतभन्दा बढी छैन्, जुन मार्केट लिडर हो । यसले ड्राइभरलाई बजारमा धेरै वित्तीय स्वतन्त्रता प्रदान गरेको छ । अर्को कुरा इन्ड्राइभले सेफ्टी फिचरमा धेरै ध्यान दिएको छ । नयाँ ड्राइभरलाई अनबोर्ड गर्ने प्रक्रिया पनि कठिन छ । हामीसँग रियलटाइम ट्रयाकिङ प्रणाली पनि छ । 

नेपालमा इन्ड्राइभलाई आगामी ५ वर्षमा हामी कहाँ देख्न सक्छौं ? 

५ वर्ष लामोसमय हो । अबको ५ वर्षमा काठमाडौंभन्दा बाहिर पनि फैलिन्छौं । सन् २०२५ मा धेरैभन्दा धेरै यात्रु र ड्राइभरलाई इन्ड्राइभसँग जोड्ने लक्ष्य छ । यस बाहेक हामीले राइडर इन्स्योरेन्स सुविधा ल्याउँदै छौं । नेपालमा कार्यालय पनि स्थापना गरिसकेका छौं । अब हामी सस्टेनिबिलिटीमा धेरै केन्द्रित हुनेछौं । त्यसै अनुसार प्लेटफर्ममा विद्युतीय सवारीसाधनलाई बढी जोड दिनेछौं । 

संस्थागत सामाजिक उत्तरदायित्व अन्तर्गत इन्ड्राइभले नेपालमा के के काम गरिरहेको छ ? 

नेपालमा इन्ड्राइभले विभिन्न प्रोजेक्टमा काम गरिरहेको छ । नेपाल सेन्टर फर डिजास्टर म्यानेजमेन्टसँग मिलेर पहिरोबाट पीडित काभ्रे नमोबुद्धमा ५ वटा घर बनाइदिदै छौं, जुन एउटा उद्घाटन पनि भइसकेको छ ।

यस बाहेक काठमाडौं म्यारथनसँग पनि योर पिस परियोजनामार्फत सहाकार्य गरेका छौं । यो सहकार्य यस वर्ष पनि जारी रहने छ । यसले नागरिहरूलाई दौडन उत्प्रेरित गर्नेछ । म पनि दौडने छु ।