समाचार
प्रदेश नं. ५ मा कम्प्युटर फ्याकल्टी एशोसिएसन अफ नेपालको कार्यसमिति गठन
बुटवल । प्रदेश ५ का कम्प्युटर विषयका प्राध्यापक तथा शिक्षकहरुको भेलाले कम्प्युटर फ्याकल्टी एशोसिएसन अफ नेपाल प्रदेश ५ को कार्यसमिति गठन गरेको छ । माधव अर्यालको सभापतित्व एवम् संस्थाका कम्प्युटर फ्याकल्टी एशोसिएसन अफ नेपाल केन्द्रीय अध्यक्ष ई. प्रचण्डराम श्रेष्ठको प्रमुख आतिथ्यतामा बसेकाे भेलाले प्रदेश ५ समिति तथा रुपन्देही जिल्ला समिती गठन गरेको हो ।
अनन्त पाण्डेको अध्यक्षतामा १५ सदस्यीय प्रदेश ५ को कार्यसमिति गठन गरिएकाे छ । प्रदेश समितिको उपाध्यक्षमा कर्णबहादुर पुन (दाङ), सचिवमा शेखर पौडेल (कपिलवस्तु), सहसचिवमा सुबास घिमिरे (प्युठान), कोषाध्यक्षमा इश्वरी ज्ञवाली (गुल्मी) लाई चयन गरेको छ । यस्तै, सदस्यहरुमा मनोहर थापा (पाल्पा), हरि ढकाल (नवलपरासी) र सन्तोष शर्मा रहेका छन् भने बाँकी सदस्य मनोनित हुन बाँकी छ ।
त्यस्तै सोही भेलाले नै अर्विन्दकुमार दुबेको अध्यक्षतामा ११ सदस्यीय रुपन्देही जिल्ला कार्यसमिति गठन गरेको छ । कर्यसमितिको उपाध्यक्षमा युवराज खनाल, सचिवमा लेखनाथ पन्त कोषाध्यक्षमा शिवप्रसाद पौडेललाई चयन गरेको छ । अक्सफोर्ड कलेजमा भएको उक्त कार्यक्रम संस्थाका माहासचिव रमेश रिमाल र उपाध्यक्ष सत्यराम सुवालको विशिष्ट आतिथ्यता रहेको कार्यक्रम वीरबहादुर क्षेत्रीले सञ्चालन गरेका थिए ।
यस संस्थाले नेपाल सरकारले शैक्षिक सत्र २०७७ देखि लागू विद्यालय तहको नयाँ पाठ्यक्रम संरचनामा कम्प्युटर विज्ञान विषय हटाइएको सन्दर्भमा आफ्नो ध्यानाकर्षण भएको जनाएको छ । कम्प्युटर शिक्षाका शिक्षकहरुको हकहितका संस्थाले सम्बन्धित निकायसँग गम्भीर छलफल गर्ने योजना पनि ल्याएको छ ।
समाचार
क्यान इन्फोटेक २०२० को तयारी तीव्र, हालसम्म ८० प्रतिशत स्टल बुकिङ
काठमाडाैं । कम्प्युटर एशोसिएसन नेपाल (क्यान) महासंघले आयोजना गर्ने मुलुककै ठूलो सूचना प्रविधि सम्बन्धी प्रदर्शनी क्यान इन्फो…
वीरगञ्जमा क्यान ईन्फोटेक २०२० भव्यताको साथ सम्पन्न
नेपालमा सुचना प्रविधि क्षेत्रमा कार्यरत जनशक्ति, विज्ञ, संघसंस्था तथा व्यवसायीहरुको छाता संगठन क्यान महासंघ पर्साद्धारा आयोजित क्यान ईन्फाटेक आईटि मेला २०२० …
वर्ल्डलिंकले काठमाडौंका पर्यटकीय स्थलमा निशुल्क वाईफाई राख्दै
काठमाडौं महानगरपालिकाले वल्डलिंकसँगको सहक…
