ह्वाट्सएपले एन्ड्रोइड स्मार्टफोन प्रयोगकर्ताहरूका लागि एपको पछिल्लो बेटा भर्जनमा नयाँ म्यासेज ट्रान्सलेसन फिचरको परीक्षण सुरू गरेको छ । एक फिचर ट्रयाकरले सेटिङ्समा नयाँ विकल्प देखेको छ, जसले म्यासेजलाई सहज, स्वचालित अन–डिभाइस ट्रान्सलेसन गर्न सक्षम बनाउँछ ।

ह्वाट्सएपले म्यासेजका लागि एन्ड–टु–एन्ड इन्क्रिप्सन (ई–टु–ई–ई) प्रदान गर्छ, त्यसैले नयाँ ‘ट्रान्सलेट म्यासेज’ फिचरले प्रयोगकर्ताको म्यासेजलाई कम्पनीको सर्भरहरूको सट्टा प्रयोगकर्ताको डिभाइसमै प्रोसेस गर्छ । ह्वाट्सएपले प्रयोगकर्तालाई ट्रान्सलेसन फिचर प्रयोग गर्न ल्यान्ग्वेज प्याक चयन गरेर डाउनलोड गर्न आग्रह गर्नेछ ।

ह्वाट्सएपको म्यासेज ट्रान्सलेसन फिचर अफलाइन ल्यान्ग्वेज प्याक प्रयोग गर्छ । ह्वाट्सएप बेटा फर एन्ड्रोइड भर्जन २.२५.१२.२५ मा अपडेट गरेपछि, केही बीटा परीक्षकहरूले नयाँ ‘ट्रान्सलेट’ फिचर प्रयोग गर्न सक्नेछन् । च्याट लक सेटिङ भित्र प्रत्येक च्याटमा एउटा नयाँ टगल (स्विच) देखिनेछ ।

फिचर ट्रयाकर डब्लुएबीबेटाइन्फो का अनुसार, प्लेटफर्मले यो फिचरमा जुलाई २०२४ देखि काम गरिरहेको छ । यो फिचर च्याटहरू र ह्वाट्सएप च्यानलहरूमा काम गर्छ ।

फिचर रोलआउट भएपछि, प्रयोगकर्ताले कुनै विशेष संवादको च्याट सेटिङ्समा उपलब्ध ‘ट्रान्सलेट म्यासेजेस’ टगल लाई इनेबल गर्नुपर्ने हुन्छ । त्यसपछि, प्रयोगकर्ताले भाषा सूचीबाट चयन गर्नुपर्नेछ — हालका लागि यसमा स्पेनिश, अरेबिक, पुर्तगाली (ब्राजिल), हिन्दी र रूसी भाषा समावेश छन् ।

भाषा चयन गरेपछि, ह्वाट्सएपले एउटा ल्यान्ग्वेज प्याक डाउनलोड गर्नेछ, जुन म्यासेज ट्रान्सलेसन फिचर इनेबल गर्न आवश्यक छ । यो फिचर अफलाइनमा काम गर्छ, अर्थात् म्यासेजहरू प्रयोगकर्ताको डिभाइसमै प्रोसेस हुन्छन्, मेटाका सर्भरहरू प्रयोग हुँदैनन् ।

फिचर ट्रयाकरले यो पनि जानकारी दिएको छ कि प्रयोगकर्ताले सबै ह्वाट्सएप च्याटहरूका लागि अटोम्याटिक म्यासेज ट्रान्सलेसन इनेबल गर्न सक्नेछन्, वा चाहिएको म्यासेजमा ‘ट्रान्सलेट’ विकल्पमा ट्याप गरेर अनुवाद गर्न सक्नेछन् । यो फिचर डिफल्ट रूपमा बन्द हुनेछ, र प्रयोगकर्ताले यसलाई डिसेबल गर्न सक्नेछन्, साथै एपको सेटिङ्सबाट ल्यान्ग्वेज प्याकहरू म्यानेज गर्न सक्नेछन् ।

यो पछिल्लो महिनाहरूमा ह्वाट्सएपमा रोलआउट हुने पहिलो अन–डिभाइस ल्यान्ग्वेज फिचर होइन । यसअघि भ्वाइस नोट ट्रान्सक्रिप्सनका लागि पनि समर्थन ह्वाट्सएपले ल्याएको थियो, जसले इनकमिङ अडियो म्यासेजहरूलाई ट्रान्सक्राइब गर्छ । यो फिचरका लागि पनि प्रयोगकर्ताले आफ्नो डिभाइसमा ल्यान्ग्वेज प्याक डाउनलोड गर्नुपर्ने हुन्छ, र कम्पनीका अनुसार सबै ट्रान्सक्रिप्सनहरू पनि अन–डिभाइसमै गरिन्छन् ।