आइसिटी समाचार
भोलिदेखि नीमा एकेडेमीको ‘मनसुन महाबचत ज्ञानमेला’ सुरू हुने भएको छ । शुक्रबारदेखि सुरू हुने उक्त ज्ञान मेला अनलाइनबाट सञ्चालन हुनेछ ।
ज्ञान मेला साउन २० गतेदेखि २२ गतेसम्म सञ्चालन हुनेछ । मनसुन महाबचत ज्ञान मेलामा निमा एकेडेमीले कक्षा १ देखि १० सम्मका विद्यार्थीहरूलाई लक्षित गरी अनलाइन पाठ्यक्रमहरूको बन्डल प्याकेज भारी छुटमा प्रदान गर्दैछ । एकेडेमीका उक्त कोर्षहरू पाठ्यक्रम विकास केन्द्रद्वारा अनुमोदित छन् ।
मूख्यत: मनसुन महाबचत ज्ञानमेला अन्तर्गत विद्यार्थीहरूलाई कक्षा १-१० सम्मका विज्ञान र गणित विषयको वार्षिक प्याकेज खरिद गर्दा ५० प्रतिशतसम्म छुट पाइने छ ।
विद्यार्थीहरूलाई गुणस्तरीय शिक्षा सस्तो शुल्कमा उपलब्ध गराउने गरी एकेडेमीले यो मेला आयोजना गर्न लागेको हो । नीमा एकेडेमीका अनलाइन कोर्ष ईपुस्तक, भिडियो, खेल, हाजिरीजवाफ,असाइनमेन्ट र एनिमेसनमा लगायतका सामग्री प्तयोग गरेर तयार गरेको छ ।
अनलाईन शिक्षाको क्षेत्रमा ज्ञानमेला नयाँ कदम मानिने कम्पनीको विश्वास छ । साथै नीमा एकेडेमीले आगामी दिनहरूमा यस्ता अफरहरू ल्याउने जानकारी दिएको छ ।
