स्नापड्रागन एट प्लस जेन वान प्रोसेसर प्रयोग गरिएको साओमीको दोस्रो फोल्डेबल फोन सार्वजनिक

साओमीको दोस्रो फोल्डेबल फोन ट्याबलेट मोडमा राख्दा ५.४ मिलिमिटरको मात्रै हुने गर्दछ । हालैमा फोल्डेबल फोनमा राम्रो काम गरिरहेको कम्पनी सामसंगले ग्यालेक्सी जेड फोल्ड फोर सार्वजनिक गरेको केही दिन भित्रै साओमीको दोस्रो फेल्डेबल फोन सार्वजनिक भएको हो ।

यसमा रहेको माईक्रो वाटर ड्रप हिन्जले फोनलाई दह्रोसँग बन्द हुन् दिन्छ । यसले गर्दा यो एकदमै पातलो देखिन्छ । यसमा ४,५०० एमएएचको ब्याट्री प्रयोग गरिएको छ । त्यस्तै फोनमा क्वालकमको स्नापड्रागन एट प्लस जेन वान प्रोसेसर प्रयोग गरिएको छ ।

यसमा ६७ वाटको र्यापिड चार्जिंग सुविधा पनि रहेको छ । यसको स्क्रीनको साईज ६.५६ इन्चको रहेको छ । यसमा डोल्बी भिजन र एचडिआर १० प्लस रहेको छ । यसमा ५० मेगापिक्सेलको प्रमुख क्यामेरा रहेको छ ।

यसमा ८ मेगापिक्सेलको २ ओटा पोट्रेट क्यामेरा र २० मेगापिक्सेलको सेल्फी क्यामेरा रहेको छ । साओमी मिक्सड फोल्ड २ १,३४० डलरको मूल्यमा १२ जिबी र्याम र २५६ जिबी स्टोरेज उपलब्ध रहेको छ । डबल स्टोरेजका लागि १,४८० डलर पर्ने गर्दछ । एक टेराबाईट स्टोरेजको १,७८० डलर पर्ने गर्दछ ।