आइसिटी समाचार
आइफोन निर्माता कम्पनी एप्पलको वर्षकै सबैभन्दा ठूलो इभेन्ट आजदेखि सुरु हुँदैछ । नेपाली समय अनुसार एप्पलको वर्ल्ड वाइड डेभलपर सम्मेलन राति १०ः१५ बजे सुरु हुनेछ ।
यो कार्यक्रमसँगै कम्पनीले आफ्ना प्रयोगकर्ताका लागि नयाँ सफ्टवेयर अपडेट आईओएस १७ घोषणा गर्न सक्ने विश्वास गरिएको छ ।
यद्यपि, कुन प्रयोगकर्ताहरूले एप्पलको नवीनतम सफ्टवेयर अपडेट पाउनेछन् भन्ने पनि ठूलो प्रश्न हो । मिडिया रिपोर्टका अनुसार नयाँ सफ्टवेयर अपडेट आईफोनका केही पुराना संस्करणहरूमा उपलब्ध हुने छैन् । यी आईफोनहरूमा आइफोन एक्स, आइफोन ८ र आइफोन ८ प्लस समावेश हुने विश्वास गरिन्छ ।
कुन आईफोनहरूले आईओएस १७ अपडेट प्राप्त गर्न सक्छन्?
आईफोनको नयाँ सफ्टवेयर अपडेट आईफोनको नयाँ संस्करणमा पाउन सकिन्छ। आइफोन १४ सिरिज, आइफोन १३ सिरिज, आइफोन १२ सिरिज, आइफोन ११ सिरिजलाई यी आइफोनको सूचीमा समावेश गर्न सकिन्छ ।
मिडिया रिपोर्टका अनुसार कम्पनीको नयाँ सफ्टवेयर अपडेट आईफोन १४ प्रो म्याक्स, आइफोन १४ प्रो, आइफोन १४ प्लस, आइफोन १४, आइफोन १३ प्रो म्याक्स, आइफोन १३ प्रो, आइफोन १३ मिनी, आइफोन १३, आइफोन १२ प्रो म्याक्स, आइफोन १२ प्रो , आइफोन १२ मिनी, आइफोन १२, आइफोन ११ प्रो म्याक्स, आइफोन ११ प्रो, आइफोन ११ पाउन सकिन्छ । यस बाहेक, कम्पनीले आइफोन एक्स्एस, आइफोन एक्स्एस म्याक्स,आइफोन एक्सआर आइफोन एसइ २०२२, आइफोन एसइ २०२० को लागि नयाँ सफ्टवेयर अपडेट दिन सक्ने छ ।
आईओएस १७ अपडेटसँगै कम्पनीले स्मार्ट डिस्प्ले मोड, अपडेटेड हेल्थ एप, अपडेटेड एप्पल एयर, जनरलाइज एप, अपडेटेड एप्पल म्युजिक एप, अपडेटेड एप्पल सेयरप्ले, अपडेटेड एप्पल वालेट एप, लक स्क्रिन कस्टमाइजेसन जस्ता सुविधाहरू ल्याउन सक्ने विश्वास गरिएको छ ।
