आइसिटी समाचार
गत फागुनसम्म इन्टरनेट सेवा प्रदायकका ग्राहक ५३ लाख ४७ हजार ५८३ पुगेका छन् ।
सरकारले शुक्रबार सार्वजनिक गरेको आर्थिक वर्ष २०७७/७८ को आर्थिक सर्वेक्षणमा २०७७ सालको फागुनसम्म इन्टरनेट सेवा प्रदायकका ग्राहक ५३ लाख ४७ हजार ५८३ पुगेको सर्वेक्षणमा उल्लेख गरिएको छ ।
आर्थिक वर्ष २०७२/७३ मा इन्टरनेट सेवा प्रदायकका ग्राहक १ लाख ५९ हजार ८९ रहेका थिए । आर्थिक सर्वेक्षणमा राखिएको तथ्यांक अनुसार विगत ६ वर्षमा इन्टरनेट सेवा प्रदायकले आक्रमक रूपमा बजार विस्तार गरेका छन् ।
कोरोना महामारीको समयमा अनलाइन कक्षा, वर्क फ्रम होम लगायतका भर्चुअल कामहरु बढेपछि इन्टरनेट सेवा प्रदायकका नयाँ ग्राहकहरु थपिएका छन् ।
