आइतबार, ९ माघ, २०७८
Sunday, 23 January, 2022

सिटिजन्स बैंकका ग्राहकले अब मोबाइलबाटै २ लाखसम्मको कर्जा लिन सक्ने

सिटिजन्स बैंक इन्टरनेशनल लिमिटेडले एफ वान सफ्ट इन्टरनेशनल प्रालिसँग सहकार्य गरेर आफ्ना ग्राहकहरुको सुविधाका लागि ‘पेडे लोन’ नामक नयाँ कर्जा सुविधा सार्वजनिक गरेको छ ।

जेठ २० गते बैंकको मुख्य कार्यालय दरबारमार्गमा आयोजित एक भर्चुअल कार्यक्रम बीच बैंकका प्रमुख कार्यकारी अधिकृत गणेश राज पोखरेलले ‘पे डे लोन’ योजना सार्वजनिक गरेका हुन् ।

बैंकमा तलब खाता संचालन गरिरहेका तथा बचत खातामा नियमित कारोबार गर्ने ग्राहकहरुले अधिकतम ३० दिन सम्मका लागि अधिकतम २ लाखसम्म मोबाइल बैकिङ्गबाट ‘पे डे लोन’ सुविधा सहजै प्राप्त गर्न सक्नेछन् भने कर्जाको लागि कुनै पनि निवेदन दिन र कानूनी कागजात गरी रहनु पर्ने छैन ।

ग्राहकहरुलाई आवश्यक भइरहने खर्च व्यवस्थापन गर्न यो कर्जा सुविधाबाट अधिकतम् लाभ प्राप्त हुनेमा बैंक विश्वस्त रहेको छ ।

बिना धितो, बिना कागजी प्रक्रिया, बिना बैंक शाखा भ्रमण तथा तुरुन्त ऋण प्राप्त गर्न सकिने जस्ता विशेषताले गर्दा यो लोकप्रिय हुने विश्वास बैंकले लिएको छ ।

आफ्ना सेवाहरुलाई डिजिटल मैत्री बनाउँदै ग्राहकहरुलाई सरल र सहज सेवा प्रदान गर्ने उद्देश्यले ‘पे डे लोन’ योजना संचालनमा ल्याएको बैंकले जनाएको हो ।

 

सम्बन्धित समाचार