अमङ अस गेममा ‘हाईड एण्ड सिक’ मोड सार्वजनिक हुँदै

नेपालमा पनि एकदमै चर्चित भईरहेको गेम अमङ असले ‘हाईड एण्ड सिक’ मोड सार्वजनिक गर्ने भएको छ । त्यस्तै एपमा भाइसर कस्मेटिक्स र फिफ्थ म्याप को फिचर पनि राखिने भएको छ ।

यो कुराहरुको जानकारी गेम विकासकर्ता इनरस्लथले समर गेम फेस्टमा दिएका थिए । यी अपडेटहरु कहिले आउँछ भन्ने बारे कम्पनीले कुनै पनि जानकारी दिएको छैन् ।

इनरस्लथले एउटा ब्लग पोस्ट गर्दै एपमा अकाउन्ट लिकं गर्ने फिचर पनि ल्याउने जानकारी दिएका छन् । यसले बहु प्लेटफर्म प्रयोग गरेर गेम खेल्नेहरुलाई सजिलो पारिदिनेछ ।

इनरस्लथले केही अरु फिचरहरु पनि गेममा जोड्ने बताएका छन् । अपडेट पछि गेममा अहिले रहेको उच्चतम खेलाडी शङ्ख्या १० बाट कम्पनीले १५ बनाउने पनि बताएको छ ।

केही खेलाडी रङ्गहरुमा पनि परिवर्तन ल्याउन आटिएको उनले बताएका छन् । अमङ अस अहिले पिसी, आईओएस, एन्ड्रोईड र स्वीचमा उपलब्ध रहेको छ ।

सन् २०२१ को अन्तय तिर यो गेम प्लेस्टेसन र एक्सबक्समा पनि उपलब्ध हुने कम्पनीले जानकारी दिएको छ ।