आइसिटी समाचार
रेडमी नोट १० एस शुक्रबार नेपालमा सार्वजनिक भएको छ । ६.४३ इन्च एमोलेड डिस्प्ले भएको रेडमी नोट १० एस आज सार्वजनिक भएको हो ।
फोनमा डिस्प्लेको सुरक्षाका लागि कोर्निङ गोरिल्ला ग्लास राखिएको छ । फोन डस्ट र स्प्लेस रेसिस्टेन्ट रहेको छ । रेडमी नोट टेन एसमा हेलियो जी ९५ प्रोसेसर प्रयोग गरिएको छ ।
यसमा ६४ जीबी र्याम रहेको छ भने इन्टर्नल स्टोरेज ६४ जीबी र १२८ जीबी उपलब्ध रहेको छ । यस फोनमा क्वाड रियर क्यामेरा छन् । जसमा ६४ मेगापिक्सेल प्राइमरी लेन्ससहित, ८ मेगापिक्सेल वाइड एंगल लेन्स, २ मेगापिक्सेल डेप्थ सेन्सर र २ मेगापिक्सेल म्याक्रो सेन्सर छन् ।
रेडमी नोट टेन एसमा १३ मेगापिक्सेलको सेल्फी क्यामेरा उपलब्ध छ । यसमा फिंगरप्रिन्टको पनि सुविधा रहेको छ । यसमा ५ हजार एमएचको ब्याट्री राखिएको छ । जसले ३३ वाटको चार्जिङ सपोर्ट गर्छ ।
नेपालमा ६ जीबी र्याम र ६४ जीबी स्टोरेज रहेको रेडमी नोट टेन एसको मूल्य २४ हजार ९९९ रूपैयाँ तोकिएको छ भने । ६ जीबी र्याम र १२८ जीबी स्टोरेज रहेको रेडमी नोट टेन एसको मूल्य २६ हजार ९९९ रूपैयाँ तोकिएको छ ।
