आईफोनमा भेटियो नयाँ बग, अनौठो नाम भएको नेटवर्कमा जोडिएपछि वाईफाई ब्रेक हुने समस्या

आईफोनमा आइफोन बग नामक नयाँ बग पत्ता लागेको छ । जसले गर्दा प्रयोगकर्ता अनौठो नाम भएको नेटवर्कमा जोडिएपछि वाईफाई ब्रेक हुन थालेको छ ।

ब्लीपिङ कम्प्युटर र एप्पल इन्साईडरका अनुसार सुरक्षा अन्वेषक कार्ल सोउले आईओएस डिभाइसहरुमा रहेको यो बग पत्ता लगाएका हुन् ।

%p%s%s%s%s%n जस्तो वाईफाईको  नाम दिएमा आईफोनमा वाईफाई चल्न छाडिदिन्छ । यसलाई आफ्नो नेटवर्क सेटिङ्गलाई रिसेट गरेर पुन : चलाउन सकिन्छ ।

यसका लागि सेटिङ्गमा गएर जनरल भन्ने अप्सनमा जाने र रिसेटमा थिचेर रिसेट नेटवर्क सेटिङ्ग भन्ने अप्सनमा थिच्नुपर्छ ।

र्फम्याटिङमा समस्या भएको कारणले गर्दा यस्तो समस्या आएको ब्लिपिङ कम्प्यूटरले आशङ्का गरेको छ । यो समस्या आईओएस १४.६ मा पनि रहेको पाइएको छ । सुरुमा % को साइनलाई आईओएसले प्रोग्रामिङ कमाण्ड हो भन्ने मान्छ जसले गर्दा वाईफाई ब्रेक हुने गर्दछ ।

यसले केही प्रयांक गर्नेहरुलाई तपाईको मोबाइल अनौठो नाम भएको हटस्पटसँग कनेक्ट गराईदिएर मोबाइल केही समयका लागि ग्लीच हुने समस्या सिर्जना गराईदिन सक्छन् । एप्पलले यो बगको सन्दर्भमा केही पनि भनेको छैन् ।