सोमबार, १ कार्तिक, २०७८
Monday, 18 October, 2021

नेपाल पारवहन तथा गोदाम व्यवस्था कम्पनीको गोदामबाट ल्यापटप चोरी गर्ने एकजना पक्राउ

त्रिभुवन अन्तर्राष्ट्रिय विमानस्थलको कार्गो कम्प्लेक्सबाट ल्यापटप चोरी गर्ने एकजना पक्राउ परेका छन् । महानगरीय अपराध महाशाखाले कम्प्लेक्सबाट ल्यापटप चोरी गरेको आरोपमा सिन्धुपाल्चोक घर भएका हाल काठमाडौं बस्ने २९ वर्षिय विष्णु अधिकारीलाई बुधबार पक्राउ गरेको हो । 

नेपाल पारवहन तथा गोदाम व्यवस्था कम्पनी लिमिटेड र त्रिवुभन अन्तराष्ट्रिय विमान स्थल शाखा कार्यालयले संचालनमा ल्याएको कार्गो कम्प्लेसमा रहेको आयात गोदाममा आयात भएको ५०७ पिस ल्यापटप मध्ये जेठ २० गते रातको समयमा ७ पिस र असार ३ गते राती  ६ पिस गरी जम्मा १३ थान  ल्यापटप चोरी भएको थियो ।  

त्यसपछि नेपाल पारवहन तथा गोदाम व्यवस्था कम्पनीले निवेदन पर्न आएपछि महाशाखाबाट महानगरिय विमानस्थल सुरक्षा कार्यालयसँगको समन्वयमा अनुसन्धान  गर्ने क्रममा उक्त चोरी कार्यमा संलग्न अधिकारी पक्राउ परेका हुन् ।प्रहरीले अधिकारीबाट डेलको ८ थान ल्यापटप र २ थान चार्जर बरामद गरेको छ । 


 

सम्बन्धित समाचार