शुक्रबार, २२ श्रावण, २०७८
Friday, 06 August, 2021

टिकटकबाट आम्दानी गर्ने ६ तरिका  

पछिल्लो समय नेपाली प्रयोगकर्तामाझ टिकटक निकै लोकप्रिय बनेको छ । एपमा मनोरञ्जनसँगै पैसा कमाउन सकिन्छ भन्ने लोभले पनि धेरैलाई तानेको छ । यो सत्य पनि हो कि टिकटकले केही दायराहरु पुरा गर्ने प्रयोगकर्ताका लागि आम्दानीको स्रोत पनि बनाइदिएको छ। 

सामान्यत, टिकटकमा पैसा कमाउन केही कुरामा ध्यान दिनुपर्छ । त्यस बारेमा यहाँ चर्चा गर्दै छौं ।  

लाइभस्ट्रीममा कोइन जम्मा गरेर 

तपाईको धेरै फलोअर हुन थालेपछि टिकटकले तपाईलाई लाइभ स्ट्रीम गर्नलाई मौका दिन्छ । लाइभ स्ट्रीमकै फिचरमा डिजिटल गिफ्ट फिचर पनि अनलक हुने गर्छ । यो फिचरले गर्दा तपाईको दर्शकले लाइभस्ट्रीमको समयमा टिकटक कोइन डोनेशन गर्न पाउनेछन् जसलाई तपाइले पछि वास्तविक रकममा बदलिन सक्छन्। 

आफ्नै सामान र सेवा विक्री गरेर 

टिकटकका प्रयोगकर्ताहरुले आफ्नै ब्राण्ड, मर्च र अरु सामानहरु निकालेर त्यो अनलाइन स्टोरलाई भिडियोमा लिकं गरिदिने गर्छन् जहाँबाट उनीहरुको फलोअर्सले त्यही सामानहरु किनेर प्रयोगकर्तालाई फाइदा हुने गर्छ । तपाईले राम्रो गर्दै जानुभयो भने धेरै दर्शक पाउन सक्नुहुन्छ जसले गर्दा फैसन ब्राण्ड, मेकअप ब्राण्डहरु लञ्च गरेर पैसा कमाउन सकिन्छ । चार्ली नामक एक टिकटक प्रयोगकर्ताले धेरै फलोअर भएपछि आफ्नै फेसन ब्राण्ड लञ्च गरेर धेरै आम्दानी गरिरहेकी छिन् । त्यस्तै भाषाको कक्षा लिएर वा अरु ज्ञानका कक्षाहरु लिएर पनि पैसा कमाउन सकिन्छ ।

अरु सामाजिक सञ्जालबाट टिकटकमा फलो गर्न आग्रह गर्ने 

धेरै फलोअर भएमा मात्रै पैसा कमाउने मौका बढ्ने गर्छ । त्यही भएर फेसबुक, इन्स्टाग्रामहरुमा पनि आफ्नो प्राफाइल सेयर गरेर मान्छेहरुलाई फलो गर्न लगाइयो भने पैसा कमाउने मौका अझै बढ्न जान्छ । अरु माध्यमबाहेक भने टिकटक एपले डिजिटल गिफ्टको मात्रै पैसा तिर्ने गर्छ । 

दान गर्न लगाउने 

पे पाल, भेन्मो, ई सेवा जस्तो एपहरुको खाता आफ्नो टिकटकमा लिकं गरिदिएमा पनि कसैलाई तपाईको कन्टेन्ट मनपरेमा पैसा दिन सक्छन् । यो लिकं विशेष गरी प्रयोगकर्ताहरुले आफ्नो प्रोफाइलमा राख्ने गर्छन् । 

स्पोन्सर पाउने  

अनलाइन युगमा स्पोन्सरसीप एकदमै प्रचलित बन्दै गईरहेको छ । तपाईको फलोअरको शङ्ख्या राम्रो भएमा केही व्यवसायले तपाईलाई सामान प्रचार गरिदिन पैसा दिन पनि सक्दछन् । ठुल्ठुला ब्राण्डले पनि प्रयोगकर्ताहरुलाई आफ्नो सामान प्रचार गरिदिनलाई टिकटकको प्रयोग गर्न थालेका छन् । स्पोन्सर पाएपछि धेरै पैसा कमाउन सक्ने मौका हुन्छ । टिकटक रेडियो स्टेसन, युट्युब भिडियोमा स्पन्सर पाएजस्तै क्लबहाउसमा पनि स्पन्सर पाएमा पैसा कमाउन सकिन्छ ।

रोजगारीको अवसर 

टिकटकले प्रयोगकर्तालाई रोजगारीका लागि भिडियो आवेदन बनाउन दिने फिचरको परीक्षण गरिरहेको छ । कम्पनीले पाइलट प्रोग्रामका अन्तर्गत इन्ट्री लेभल, सहयोगी र वरिष्ठ स्तरको कामका लागि ह्यासट्याग टिकटक रिज्यूम भनेर रोजगारी खोज्नका निम्ति भिडियो बनाउन दिनेछ । 

यो पाइलट प्रोग्राममा करिब तीन दर्जन कम्पनीहरु सहभागी भएका छन् । उनीहरुले के काम दिइरहेको भनेर पनि बताउँछन् । यसमा सपिफाई, टारगेट र डेट्रोइड पिस्टन जस्ता नाम चलेको अमेरिकी कम्पनीहरु पनि रहेका छन् । यसले प्रयोगकर्ताहरुलाई रोजगार पाएर पैसा कमाउन दिनेछ ।

सम्बन्धित समाचार