आइसिटी समाचार
होन्डा नेपालले ‘होन्डाको ७० औं एनिभर्सरी’ भनेर कुनै अभियान सञ्चालन नगरेको बताएको छ । हिजोदेखि होन्डा ७० औं एनिभर्सरी फिशिङ म्यासेज भाइरल भएपछि होन्डा नेपालले यस्तो प्रकारको कुनै पनि अभियान सञ्चालन नगरेको बताएको हो ।
बिहीबार एक विज्ञप्ती जारी गर्दै होन्डाले सामाजिक सञ्जालमा ‘होन्डा ७० औं एनिभर्सरी’ स्क्याम प्रति सचेत रहेको र त्यस्तो प्रकारको अभियान आफुहरुले सञ्चालन नगरेको स्पष्ट पारेको छ ।
उक्त स्क्याम फेसबुकमा रिपोर्ट गरिएको होन्डा नेपालले बताएको छ । उक्त स्क्याम लिंकमा क्लिक नगर्न समेत होन्डा नेपालले आग्रह गरेको छ ।
तपाईलाई पनि होन्डा एनिभर्सरी र त्यस्ता प्रकारका अन्य कुनै शंकास्पद फिशिङ लिंकहरू आइरहेका छन् भने क्लिक नगर्नुहोला । तपाईको साइबर आक्रमणको शिकार बन्न सक्नुहुन्छ ।
पछिल्लो समय प्रतिष्ठित कम्पनीको नाम र लोगो प्रयोग गरेर फिशिङ गर्ने घटना नेपालमा बढ्दै गइरहेका छन् ।
हेर्नुहोस् विज्ञप्ती
