आइसिटी समाचार
एभरेष्ट बैंक लिमिटेडले साझाका पेट्रोल पम्महरुमा क्यूआर कोड सेवा उपलब्ध गराएको छ । यससँगै अब साझाका पेट्रोल पम्महरुमा क्यूआरबाट रकम भुक्तानी गर्न सकिने भएको छ ।
क्यूआर सेवाको शुरूवात एभरेष्ट बैंकका बागमती प्रदेश प्रबन्धक सन्तोष भट्टराई र साझा सेवा सहकारी संस्थाका प्रमुख कार्यकारी अधिकृत दिनेश पौडेलले संयुक्त रुपमा गरेका हुन् ।
साझाका पेट्रोल पम्पमा पेट्रोलियम पदार्थ किनेपछि बैंकको क्यूआर कोडबाट भुक्तानी गर्दा रियल टाइममा नै साझाको पुल्चोक स्थित शाखामा रकम जम्मा हुने व्यवस्था मिलाएको बैंकले जनाएको छ ।
