शुक्रबार, १७ मङ्सिर, २०७८
Friday, 03 December, 2021

नेपाल मेडिकल काउन्सिलले खुलायो लाइसेन्स परीक्षाको फाराम, अनलाइनबाटै यसरी भर्नुहोस् 

नेपाल मेडिकल काउन्सिलको लाइसेन्स परीक्षा आगामी पुस २२ गतेदेखि २४ गतेसम्म हुने भएको छ । काउन्सिलले बुधबार एक सूचना जारी गर्दै ६१ औं चिकित्सक दर्ता प्रमाणपत्र परीक्षा (लाइसेन्स परीक्षा) पुस २२ गतेदेखि २४ गतेसम्म हुने जानकारी दिएको हो । 

लाइसेन्स परीक्षामा सहभागी हुनका लागि काउन्सिलले अनलाइन फारमा मंसिर ८ गतेदेखि २४ सैं घण्टा खुल्ला राखेको जनाएको छ ।

काउन्सिलका अनुसार मंसिर ८ गतेदेखि पुस ७ गतेसम्म नियमित रुपमा र पुस ८ र ९ गते विलम्ब शुल्क तिरेर फारम भर्न सकिनेछ ।

काउन्सिलले कम्प्युटर प्रविधिको प्रयोग मार्फत इन्जिनियरिङ अध्ययन संस्थान पुलचोकमा परीक्षा सञ्चालन गर्ने जनाएको छ ।

यदी तपाई काउन्सिलले परीक्षामा सहभागी हुन चाहनुहुन्छ भने यहाँ क्लिक गरी दिइएको निर्देशन अनुसार अनलाइन फारम भर्न सक्नुहुनेछ । 

 


 

सम्बन्धित समाचार