आईसीटी अवार्ड २०२३ वितरण कार्यक्रममा कर्णाली प्रदेशलाई सम्झिनु भयो आयोजकलाई धन्यवाद । यहाँ आउँदा नेपालको डिजिटल विकास धेरै भएको हो कि जस्तो लाग्छ । तर कर्णालीमा गयो भने रूखको टुप्पोमा गएर टावर लाग्छ की भनेर मोबाइल घुमाउनु पर्ने अवस्था छ ।
गत असारमा भएको डिजिटल नेपाल कन्क्लेभमा कर्णालीको डिजिटलको विकासको सूचक बढाउछु भनेर घोषणा गरेको थियो । त्यसका लागि यस पटक केही कार्यक्रम राखेका छौं ।
डिजिटल कर्णालीका लागि हामीले आईसीटी फाउन्डेसन नेपालसँग पाइलट प्रोजेक्टको रूपमा सहकार्य गर्ने योजना छ । उहाँहरूसँग हामीले कर्णाली डिजिटल कन्क्लेभ गरौं भनेर प्रस्ताव गरेका छौं ।
संघीय सरकारले अगाडि बढाउन खोजेको डिजिटल नेपाल एक्सिलेसन (डीएनए) परियोजना विशेष गरेर मधेश र कर्णालीलाई चाहिएको छ ।
निजी क्षेत्रले कर्णालीलाई सम्झिरहेको हुन्छ । उहाँहरूले कर्णालीमा लगानी पनि गरिरहनु भएको छ । त्यसले लगानी बढाउन प्रोत्साहन पनि गरिरहेको छ ।
गत शुक्रबार द सोल्टी काठमाडौंमा आयोजना भएको आईसीटी अवार्ड २०२३ मा कर्णाली प्रदेशका आन्तरिक मामिला तथा कानुन मन्त्री कृष्ण बहादुर जीसीले व्यक्त गरेको विचारको सम्पादित अंश ।
