आईसीटी समाचार
लिभिङ विथ आइसिटीको आयोजनामा आज बुटवलमा आयोजित ‘फ्युज मेशिन्स आइसिटी स्टार्टअप एण्ड इनोभेसन मेला २०१९ इन एसोसिएसन के सेभेन सेक्युरिटी’ सम्पन्न भएको छ ।
बुटवल मिलनचोकमा अवस्थित एसियन पार्टी प्यालेसमा आयोजना भएको कार्यक्रममा ३० भन्दा बढी स्टलमा स्थानीयस्तरमा विकास भएका सफ्टवेयर, एप्लिकेशन, र प्रोजेक्ट्सहरुको प्रदर्शनी गरिएको थियो ।
मेलाको उद्घाटन गर्दै प्रदेश ५ का अर्थ, उद्योग तथा पर्यटनमन्त्री दधिराम न्यौपानेले सूचना प्रविधिमा युवालाई प्रोत्साहन गर्न आवश्यक रहेको बताए । उनले आइसिटी मेलाले नयाँ प्रतिभालाई फस्टाउने अवसर दिने भनाइ राखे ।
कार्यक्रममा बुटवल उपमहानगरपालिकाका मेयर शिवराज सुवेदीले पनि आफ्नो भनाइ राख्नुभएको थियो ।
त्यसैगरी स्टार्टअपका लागि चुनौती र अवसर, पछिल्ला प्रविधि र ट्रेन्ड विषयमा आइसिटी कन्फ्रेन्स पनि सम्पन्न भएको छ । एक सयभन्दा बढी सहभागीलाई विषयविज्ञहरुले सहजिकरण गरेका थिए ।
मेलालाई एक हजारभन्दा बढी अवलोकनकर्ताले अवलोकन गरेका थिए ।
आइसिटी अवार्ड २०१९ को प्रि इभेन्ट क्याम्पियनको रुपमा बिराटनगर, बुटवल र नारायणगढमा यस प्रकारको कार्यक्रम आयोजना हुने क्रममा आगामी जेठ १८ गते नारायढगढमा मेला आयोजना हुने छ ।
स्थानीयस्तरमा आइटीमा केही गर्ने सोच बनाएर काम गरिरहेका युवाहरुलाई प्रोत्साहन गर्दै इन्नोभेसन र उद्यमशीलतालाई अगाडि बढाउने उद्धेश्यले प्रदेशस्तरीय मेला आयोजना गरिएको आयोजक समितिका संयोजक राजन लम्सालले बताए ।
