आईसीटी समाचार
सिभिल बैंकले किसानहरुको समृद्धिको लागि किसान समृद्धि कार्ड सञ्चालनमा ल्याएको छ । कृषि क्षेत्रलाई प्रोत्साहन गर्ने नीनि अनुरुप बैंकले किसान कार्डको सुरुवात गरेको हो ।
कुनै पनि कृषि पेशामा आवद्ध ग्राहकहरुलाई लक्षित गरी ल्याइएको यो सेवाबाट कृषि कार्यबाट प्राप्त हुने आम्दानीलाई नियमित रुपमा बचत गर्दै जाने तथा आवश्यक परेको बखतमा उक्त बचत रकम झिक्ने र नपुग भएमा सोहि खाताबाट कर्जाको रुपमा बढि रकम पनि झिक्न सकिने व्यवस्था गरिएको छ ।
यो ऋण सुविधा लिन खेतीयोग्य जमीनलाई पनि धितोको रुपमा राख्न सकिन्छ भने ५ प्रतिशत अनुदान सहित ब्याजदरमा पाँच लाख रुपैयाँसम्मको ऋण सुविधा उपलब्ध गराइने बैंकले जनाएको छ ।
यो सुविधा प्राप्त गर्न ग्राहकले बैंकमा बचत खाता खोल्नु पर्नेछ । उक्त खातामा ग्राहकको बचत भएसम्म बैंकले ब्याज प्रदान गर्ने छ भने यदि खातामा भएको बचत भन्दा बढि रकम झिकेमा बैकलाई ब्याज बुझाउनु पर्ने हुन्छ । ऋण सुविधाको लागी कुनै फर्म वा कम्पनी दर्ता अनिवार्य नभएको बैंकले जनाएको छ ।
