टेक वेबिनारको २३ औं श्रृंखलामा ‘मेन्टल मोडलिङ इन आइटी इण्डष्ट्री’ विषयमा सेसन हुँदैं

टेक वेबिनारको २३ औं श्रृंखलामा ‘मेन्टल मोडलिङ इन आइटी इण्डष्ट्री’ विषयमा कुराकानी गरिने भएको छ । आगामी आईतबार साँझ ६ बजे मेन्टल मोडलिङ इन आइटी इण्डष्ट्री’ विषयमा सेसन हुने भएको हो ।

यस वेबिनारको मुख्य उदेश्य भनेको आइटी उद्योगले कसरी काम गर्छ भन्ने अवधारणा तथा रुपरेखा, म्यानेजर तथा कर्मचारीको माइन्डसेट, उद्योगमा प्रविधिको प्रयोग र आइटी इण्डष्ट्री तिर विश्वको धारणा बारे जानकारी प्रदान गर्नु रहेको छ ।

यस वेबिनारमा ३ जना स्पीकर सहभागी हुने छन् । जसमा सन्तोष कोइराला, दिक्षान्त श्रेष्ठ र अवशाना पौडेल रहेका छन् ।

कोइराला टेक क्रयाप्टका कार्यकारी निर्देशक समेत हुन् । उनीसँग १८ वर्ष भन्दा बढीको सफ्टवेयर कम्पनी व्यवस्थापनको अनुभव रहेको छ ।

त्यस्तै श्रेष्ठ आइटी उद्यमी र सफ्टवेयर इन्जिनियर समेत हुन् । साथै उनी क्रियटर्स इन्स्टच्युट अफ विजनेश एण्ड टेक्नोलोजीका संस्थापक हुन् ।

त्यसैगरी पौडेल कोटिभिटी नेपालकी एशोसिएट प्रोजेक्ट म्यानेजर हुन् । उनको प्रोजेक्ट म्यानेजमेन्ट, अपरेसन र विजनेस टेभलपमेन्टमा एक्सपर्टिज रहेको छ ।