इन्जिनियरिङको स्नातक तहमा आईओईले खुलायो भर्ना, यसरी दिनुहोस् अनलाइन आवेदन

इन्जिनियरिङ अध्ययन संस्थान (आईओई) ले इन्जिनियरिङ कार्यक्रमका लागि स्नातक तहमा नयाँ भर्ना खुलाएको छ । आईओईले आफ्ना आङ्गिक कलेज तथा सम्बन्धन प्राप्त कलेजहरूका लागि इन्जिनियरिङका बी.ई र बीआर्क तर्फका विभिन्न कार्यक्रममा स्नातक तहमा भर्ना खुलाएको हो ।

त्यसका लागि माघ १३ गतेदेखि माघ २७ गतेसम्म प्रवेश परीक्षाको फाराम अनलाइनबाट भर्न सकिने छ । प्रवेश परीक्षा बापतको शुल्क २ हजार रुपैयाँ तोकिएको छ ।  अनलाइनबाटै फाराम भर्नका लागि यहाँ क्लिक गर्नुहोस् ।

प्रवेश परीक्षा फाल्गुन ८ गते देखि सुरु हुनेछ । प्रवेश परिक्षा इन्जिनियरिङ अध्ययन संस्थान, सूचना तथा सञ्चार प्रविधि केन्द्र पुल्चोकमा सिफ्ट मिलाएर सञ्चालन हुने आईओईले जनाएको छ ।

अनलाइनबाट फर्म भरेपछि परीक्षा शुल्क भुक्तानी गरेको भौचर अथवा डिजिटल वालेटबाट गरेको पेमेन्टको ट्रान्जेक्सन आईडी नम्बर उल्लेख गरेर आवश्यक दस्तावेजहरू आवेदन फारम सहित सबमिट गर्न सकिन्छ ।