आईसीटी समाचार
मेटाको लोकप्रिय फोटो सेयरिङ प्लेटफर्म इन्स्टाग्रामको प्रयोग धेरै देशमा भइरहेको छ । यो प्लेटफर्मसँग किशोर अवस्थामा रहेका बालाबालिकाका आमाबाबुको सबैभन्दा ठूलो चिन्ता जोडिएको छ ।
आमाबाबुलाई सधैं डर लागिरहन्छ कि कतै उनीहरूको बच्चाले यस प्लेटफर्ममा कुनै गलत सामग्री त हेर्दै छैनन् । आमाबुवाको यो समस्यालाई कम्पनीले अब समाधान गरेको छ ।
कम्पनीले इन्स्टाग्राम टीन अकाउन्टको प्रस्ताव राखेको छ । यो विशेष गरी किशोर अवस्थाका प्रयोगकर्ता अर्थात् १६ वर्ष मुनिका बच्चाहरूका लागि गरिएको ठूलो परिवर्तन हो ।
यसको अर्थ, तपाईँको बच्चाले यो अकाउन्टका साथ इन्स्टाग्राम प्रयोग गर्न पाउनेछन्, तर यसलाई अभिभावकले नै मार्गदर्शन गर्न सक्नुहुनेछ । टीन अकाउन्ट कम्पनीको तर्फबाट निर्मित सुरक्षा हो, जसको साथमा बच्चाहरूलाई को सम्पर्क गर्छ र तिनीहरूले के सामग्री हेर्न सक्छन् भन्ने कुरा नियन्त्रण गर्न सकिनेछ ।
यो अकाउन्टका साथ किशोरहरूलाई उनीहरूको रुचिका सामग्रीहरू अन्वेषण गर्न मद्दत गरिने छ । ती सबै इन्स्टाग्राम प्रयोगकर्ताहरू जसको उमेर १६ वर्षभन्दा कम छ, तिनीहरूको अकाउन्ट स्वतः टीन अकाउन्टमा परिवर्तन हुनेछ । १६ वर्षभन्दा कम उमेरका बच्चाहरूलाई अब केही विशेष सेटिङमा परिवर्तन गर्नका लागि पनि अभिभावकको अनुमति लिन आवश्यक हुनेछ ।
इन्स्टाग्राम टीन अकाउन्टका नियम
प्राइभेट अकाउन्ट – डिफल्ट प्राइभेट अकाउन्टका साथमा जसले किशोरहरूलाई फलो गर्दैनन्, तिनीहरूले न त उनीहरूसँग कुरा गर्न सक्नेछन्, न त उनीहरूको सामग्री हेर्न सक्नेछन् । यो नियम १६ वर्षभन्दा कम उमेरका बच्चाहरूका लागि लागू हुनेछ ।
म्यासेजिङ सीमितता – अब अपरिचित व्यक्तिहरूले किशोरहरूलाई सजिलै म्यासेज गर्न सक्ने छैनन् ।
संवेदनशील सामग्री नियन्त्रण – किशोरकिशोरीहरूले अब प्लेटफर्ममा संवेदनशील सामग्री हेर्न पाउने छैनन् । यसमा झगडा–पिट्ने लगायतका हिंसासम्बन्धित रिलहरू पनि समावेश हुनेछ ।
समय सीमा – किशोरहरूले अब एपमा ६० मिनेट बिताएपछि एप छोड्ने सूचनाको प्राप्ति गर्नेछन् । यो सूचना टीन अकाउन्टमा हरेक दिन पठाइनेछ ।
स्लीप मोड सक्रिय – टीन अकाउन्टका लागि स्लीप मोड राति १० बजेपछि सुरु हुनेछ र बिहान ७ बजेसम्म सक्रिय रहनेछ । यस समयमा सूचनाहरू म्यूट रहनेछन् र डिएमका लागि स्वतः जवाफ दिने फिचर काम गर्नेछन् ।
सीमित अन्तरक्रिया – किशोरहरूले जसलाई फलो गर्नेछन्, केवल उनीहरूले नै ट्याग र मेन्सन गर्न सक्नेछन् । यससँगै अकाउन्टमा कम्पनीको तर्फबाट एंटी–बुलिङ जस्ता फिचरहरू पनि सुरु हुनेछन ।
इन्स्टाग्रामले एक ब्लग पोस्ट मार्फत प्रस्ट पारेको छ कि यो नयाँ परिवर्तनको सुरुवाती चरण अमेरिकामा बस्ने प्रयोगकर्ताहरूका लागि हुनेछ । ६० दिन भित्र यो परिवर्तन अमेरिका, बेलायत, क्यानडा र अस्ट्रेलियाका लागि गरिनेछ ।
त्यसपछि यस वर्षको अन्त्यसम्म युरोपियन युनियनलाई पनि यसमा समावेश गरिनेछ । यस वर्षको अन्त्यसम्म मेटाका अन्य प्लेटफर्ममा पनि यस प्रकारको सुविधा ल्याइनेछ ।
