आईसीटी समाचार
एफडी मोटर्स ब्राण्डका विद्युतीय स्कुटर खरिद गर्न नबिल बैंकले क्रेडिट कार्ड मार्फत कर्जा सुविधा उपलब्ध गराउने भएको छ । यसका लागि ग्रन्थ इलेक्ट्रिक भेहिकल प्रालि (एफडी मोर्टर्स) र नबिल बैंकबीच सम्झौता भएको हो ।
यस अन्तर्गत कुनै पनि ग्राहकहरुले एफडी मोटर्सका सोरुमहरुमा गई आवश्यक पर्ने कागजात दिएर क्रेडिट कार्डमार्फत किस्ता तिरेर इलेक्ट्रिक स्कुटरहरु खरिद गर्न सक्नेछन् ।
एफडी मोटर्सले हाल दुई ओटा मोडेलका इलेक्ट्रिक स्कुटर बिक्री गर्दै आएको छ, जसमा एफ फाइभको मुल्य २ लाख ६१ हजार ९९९ रूपैयाँ र एफ फाइभ एको मुल्य २ लाख ९७ हजार ९९९ रूपैयाँ रहेको छ ।
छिटै ग्रन्थ ईभीले एफ फाइभ प्रो र एफ फाइभ ए प्रो ल्याउने जनाएको छ । एफडी मोटर्सका स्कुटरमा साइड मोटर ड्राइभ, ब्रेक रिजेनेरेसन, क्यान बस कम्युनिकेसन कन्ट्रोलर, लिथियम फेरो फस्फेट प्रविधि प्रयोग गरिएको छ ।
