आईसीटी समाचार
सरस्वती पूजाको अवसरमा स्कूल म्यानेजमेन्ट सफ्टवेयर पाठशाला निःशुल्क उपलब्ध हुने भएको छ ।
सफ्टल्याब इंकले विगत ११ वर्षदेखि सञ्चालनमा रहेको स्कुल व्यवस्थापन सफ्टवेयर पाठशाला, विद्यालय र कलेजलाई निःशुल्क उपलब्ध गराउने भएको हो ।
अफरमा ग्राहकहरूले पाठशालाको बेसिक प्याकेज निःशुल्क पाउने छन् भने सिल्भर तथा गोल्ड प्याकेजमा क्रमशः ५० र ६० प्रतिशत छुट पाउने कम्पनीले जनाएको छ ।
माघ १५ गतेदेखि फागुन ३ गतेसम्म यो अफर लागु हुनेछ । पाठशाला सफ्टवेयरमा अकाउन्ट व्यवस्थापन, स्टुडेन्ट प्रोफाइल व्यवस्थापन, फी बिलिङ म्यानेजमेन्ट, लाईभ अनलाइन पेमेन्ट सिस्टम, मोबाइल एप, नतिजा व्यवस्थापन, कार्यालय प्रशासन लगायतका सुविधा रहेका छन् ।
हाल ५०० भन्दा धेरै विद्यालय तथा कलेजले पाठशाला स्कुल व्यवस्थापन सफ्टवेयर प्रयोग गर्दै आएका छन् । पाठशाला आइएसओ २७००१:२०२२ बाट प्रमाणित स्कूल म्यानेजमेन्ट सफ्टवेयर हो ।
