आईसीटी समाचार
सूचना प्रविधिमा महिला (डब्ल्यूआईआईटी) ले प्राइम आईटी क्लबसँगको सहकार्यमा मार्च ८ मा विश्वव्यापी रूपमा मनाइने अन्तर्राष्ट्रिय महिला दिवस २०२४ को योगदानलाई सम्मान गर्दै प्राइम कलेज, खुसीबुन, काठमाडौंमा भोली अर्थात मार्च २, २०२४ मा आइडब्लुडी कन्क्लेभ २०२४ आयोजना गर्दैछ । अन्तर्राष्ट्रिय महिला दिवस २०२४ को थिम इन्भेस्ट इन वुमन : एक्सिलेरेट प्रोग्रस (Invest in women: Accelerate Progress) रहेको छ ।
यो सम्मेलनको विषयवस्तु अन्तर्राष्ट्रिय विषयवस्तुसँग मिल्दोजुल्दो छ जसले समाजका सबै पक्षहरूमा सकारात्मक परिवर्तन ल्याउनका लागि महिला र किशाोरीहरूमा लगानीको महत्वपूर्ण भूमिकालाई रेखांकित गर्दछ र लैङ्गिक समानतालाई अगाडि बढाउन पुरुषको सह–साझेदारको रूपमा अपरिहार्य भूमिकालाई पनि मान्यता दिन्छ । त्यसैले, आइडब्लुडी कन्क्लेभ २०२४ को विषय “इन्भेस्ट इन हर : मेन एज कोपाटर्नस टू इम्पावर वुमन इन आइसिटी" भन्ने रहेको छ ।
विश्वभरि, आईसीटी क्षेत्रले आर्थिक वृद्धि र विकासको लागि अपार सम्भावनाहरू राख्छ । तर, तिव्र रूपमा विकसित भइरहेको यस क्षेत्रमा महिलाको प्रतिनिधित्व कम छ । यस खाडललाई स्वीकार गर्दै, कार्यक्रमले आइडब्लुडी कन्क्लेभ २०२४ को विषयवस्तुसँग मिलाएको छ जसमा पुरुषहरूले महिलाहरूलाई आइसिटी क्षेत्रको विकास र चमक बनाउनको लागि सह–साझेदारको रूपमा खेल्न सक्ने महत्त्वपूर्ण भूमिकाको अन्वेषण गर्दछ ।
विविध आवाजहरूलाई एकसाथ ल्याएर, “इनभेस्ट इन हर“ कार्यक्रमको उद्देश्य छलफललाई बढावा दिन, अन्तर्दृष्टि साझा गर्न, र प्रविधिको द्रुत रूपमा विकसित संसारमा महिलाहरूको लागि समावेशी र सशक्तिकरण वातावरण सिर्जना गर्न सामूहिक प्रतिबद्धता निर्माण गर्ने हो ।
यस पहललाई सार्थक रूप दिनका लागि, यस कार्यक्रमले विद्यार्थी, शिक्षक, विशिष्ट व्यक्ति, व्यवसायी र संस्थाहरूलाई सक्रिय रूपमा सहभागी हुन एकजुट गरेको छ, जसले आइसिटीमा लैङ्गिक समानता प्रवर्द्धन गर्न सबैको भूमिका खेल्नुपर्छ भन्ने धारणालाई सुदृढ तुल्यायो । यो सम्मेलनले युवादेखि वृद्ध पुस्तासम्मका सामाजिक–आर्थिक पक्षहरूलाई समावेश गर्ने लक्ष्य लिएको छ ।
कार्यक्रम काठमाडौं महानगरपालिकाकी उपमेयर सुनिता डंगोलको प्रमुख आतिथ्यतामा सञ्चालन हुनेछ । त्यसैगरी नेपाल डिजिटल लिड्स, फेलो एसिया प्यासिफिक सेन्टर फर सेक्युरिटी स्टडिज (एपीसीएसएस)का अध्यक्ष आनन्दराज खनाल र नेपाल दूरसञ्चार प्राधिकरणका पूर्व वरिष्ठ निर्देशक विशेष अतिथि रहनेछन् ।
यस कार्यक्रमको मुख्य वक्ता जनरल टेक्नोलोजी प्रा. लिमिटेडका प्रबन्ध निर्देशक र क्यान महासंघ नेपालका पूर्व उपाध्यक्ष सुनैना घिमिरे पाण्डे रहेकी छिन् । उनी वुमन आईसीटी आइकॉन २०२३ (आईसीटी अवार्ड २०२३ लिभिङ विथ आईसीटीको विजेता समेत हुन् । यसैगरी हामी दाजुभाईका अध्यक्ष संजोग ठकुरी रहेका छन् ।
कार्यक्रममा राउन्ड टेबल छलफल पनि आयोजना गरिनेछ ।आईसीटी क्षेत्रमा लैङ्गिक समानता र बहु–स्टेकहोडलर सहकार्यलाई प्रवर्द्धन गर्ने यस छलफलको मुख्य उद्देश्य हुनेछ ।
यस कार्यक्रमले आइसिटी क्षेत्रमा महिलाकाहरुको चुनौतीको बहुआयामिक प्रकृति पहिचान गर्न र सहयोगी प्रयास, शिक्षा, र नेटवर्किङ मार्फत यसलाई सम्बोधन गर्न मद्दत गर्नेछ । यस्ता पहलहरू थप विविध, समावेशी र समतामूलक आईसीटी परिदृश्यमा महिला नेतृत्वलाई बढावा दिनको लागि महत्त्वपूर्ण छन् ।
डब्लुडब्लुआइआइटीले यो सम्मेलन नेपालको आइसिटी क्षेत्रमा लैङ्गिक असन्तुलन र परिवर्तन ल्याउनका लागि पुरुषको महत्वपूर्ण भूमिकालाई सम्बोधन गर्ने पहिलो हो भन्ने विश्वास गर्दछ ।
यसबाहेक, डब्लुडब्लुआइआइटीले वर्कशप, मेन्टरशिप कार्यक्रम, र विभिन्न प्रकारका पुरुष र महिला दर्शकहरूलाई अनुरूप वकालत अभियान जस्ता फलो–अप कार्यक्रमहरु आयोजना गरिरहने प्रतिबद्धता पनि जाहिर गर्दछ ।
