आईसीटी समाचार
काठमाडौं । यस वर्ष आईओएस २७ सँगै एप्पलले नयाँ एआई फिचरहरू ल्याउन सक्छ । नयाँ सिरीले केवल तपाईंका प्रश्नहरूको जवाफ मात्र दिने छैन, बरु फोनभित्रका धेरै काम आफैं गर्न पनि सक्षम हुने अपेक्षा छ । उदाहरणका लागि, रिमाइन्डर सेट गर्ने, सन्देश तयार गर्ने वा एपहरूबीच अर्डर प्लेस गर्ने काम अझ सजिलो हुन सक्छ । गुगल पनि जेमिनीमार्फत एन्ड्रोइडलाई कनेक्ट गर्ने तयारीमा छ । यसको उद्देश्य एआईलाई साना–ठूला काम आफैं गर्न सक्ने बनाउनु हो। अब फोनमा कस्ता परिवर्तन आउन सक्छन्, हेरौं ।
१. उबरजस्ता एपहरू पनि एआईसँग कनेक्ट हुनेछन्:
जेमिनी अब सिधै जेप्टो र उबरजस्ता एपहरूसँग काम गर्न सक्नेछ । यसले यी एपहरू खोल्न र तपाईंका लागि सबैभन्दा उपयुक्त विकल्प छान्न सहयोग गर्नेछ ।
२. नयाँ एजेन्ट ‘जेमिनी स्पार्क’ लन्च हुनेछ:
यो गुगलको नयाँ ‘पर्सनल एआई एजेन्ट’ हुनेछ । यसले अनलाइन टास्कहरू पूरा गर्न सक्नेछ । साथै, रिमाइन्डर र बुकिङहरू पनि यसले नै सम्हाल्नेछ ।
३. जिमेल एआई इनबक्स:
यसले इमेलहरूको सारांश आफैं तयार गर्नेछ । प्रयोगकर्ताले पूरा मेल नपढी नै आवश्यक जानकारी बुझ्न सक्नेछन् र त्यहीँबाट सिधै रिप्लाइ पनि गर्न सक्नेछन् । यसलाई अब ठूलो स्केलमा रिलिज गर्न सकिने बताइएको छ ।
४. जिमेल लाइभ:
यसमा नयाँ भ्वाइस-आधारित फिचर आउनेछ । यसको माध्यमबाट तपाईं जेमिनीसँग बोलेर इमेल पठाउन सक्नुहुनेछ । कुनै मेलबारे सोध्न होस् वा रिप्लाइ लेख्न, यी सबै काम भ्वाइसमार्फत हुनेछ ।
एप्पल: नयाँ सिरीसँग आईफोन अझ स्मार्ट हुने
१. लेख्न र सुधार्न सहयोग गर्नेछ:
‘राइट विथ सिरी’ र ‘हेल्प मी राइट’जस्ता फिचरहरूले प्रयोगकर्तालाई लेख्न सहयोग गर्नेछन् । सिरीले टेक्स्टलाई अझ राम्रो बनाउन, उपयुक्त वाक्य सुझाव दिन र टाइपिङलाई सजिलो बनाउन सक्नेछ ।
२. आवाजबाटै शर्टकट्स बनाउने सुविधा आउनेछ:
प्रयोगकर्ताले केवल आफूले छिटो गर्न चाहेको काम बोल्नुपर्नेछ । त्यसपछि सिरीले त्यस टास्कका लागि आफैं शर्टकट तयार गर्नेछ ।
३. पर्सनल डिजिटल असिस्टेन्टझैँ काम गर्नेछ:
सिरीले समाचार, रिमाइन्डर, स्टक मार्केटको जानकारी र दिनभरको प्लानिङजस्ता कुरामा मद्दत गर्न सक्छ । अर्थात्, तपाईंको फोन अब पर्सनल असिस्टेन्टजस्तै काम गर्न थाल्नेछ ।
४. अटो-डिलिट च्याट हिस्ट्री:
प्राइभेसीलाई ध्यानमा राख्दै सिरीमा अटो-डिलिट फिचर आउन सक्छ । यसमार्फत च्याटहरू ३० दिनपछि स्वतः डिलिट हुने गरी सेट गर्न सकिनेछ ।
यद्यपि, माथि उल्लेख गरिएका केही फिचरहरू अहिलेसम्म एप्पलले आधिकारिक रूपमा घोषणा गरेका छैनन् । यो विवरण लिक्स र रिपोर्टहरूको आधारमा तयार गरिएको हो ।
