कनेक्ट आईपीएसबाट हुने ५०० रूपैयाँसम्मको फण्ड ट्रान्स्फरमा कुनै शुल्क नलाग्ने

डिजिटल भुक्तानीलाई प्रवर्द्धन गर्नुका साथै सानो रकमका भुक्तानीहरु डिजिटल माध्यमबाट गर्न प्रोत्साहन गर्ने उद्देश्यका साथ एनसीएचएलले रिटेल पेमेन्ट स्वीच (आपीएस) मार्फत् हुने ५०० रूपैयाँ सम्मको फण्ड ट्रान्स्फरमा कुनै शुल्क नलाग्ने व्यवस्था गरेको छ । 

कनेक्ट आईपीएसको वेब÷मोबाईल एप, बैंक वित्तिय संस्थाको मोबाईल बैंकिङ्गमा रहेको कनेक्ट आईपीएस फण्ड ट्रान्स्फर तथा कनेक्ट आईपीएसमार्फत मोबाईल वालेटमा गरिने क्यास इन/आउटलाई पूर्ण रुपमा निशुल्क गरिएको छ ।   

चैत्र १९ गतेबाट उक्त व्यवस्था कनेक्ट आईपीएस कार्यान्वयनमा आइसकेको छ भने बैंक वित्तीय संस्था र वालेटहरुले आफ्ना प्रणालीहरुमा आवश्यक व्यवस्था मिलाए पछी मोबाइल बैंकिङ्ग तथा वालेटमा पनि क्रमिक रूपमा लागू हुनेछ । 

आरपीएसमार्फत हुने अन्य च्यानलहरु र कारोबारहरुमा भने कारोबार रकमको आधारमा हाल कायम रहेको रु. २ र रु.८ कारोबार शुल्कको व्यवस्था यथावत रहने छ । साथै उक्त कारोबार शुल्कमा कानून बमोजिमको भ्याट थप हुने व्यवस्था रहेको छ । 

कारोबार संख्यामा बृद्धि सँगै कारोबार शुल्क समायोजन गर्ने नीति एनसीएचएलले लिँदै आएको छ । आरपीएसमार्फत गत आर्थिक वर्षमा ५ हजार ६९७ अर्ब रूपैयाँ बराबरको ७ करोड ५६ लाख भुक्तानी कारोबारहरु फर्छ्यौट गरेको थियो भने चालू आर्थिक वर्षको आठ महिनामा ४ हजार ५५३ अर्ब रूपैयाँ बराबरको ६ करोड ८३ लाख भुक्तानी कारोबारहरु फर्छ्यौट गरिसकेको छ । 

हाल ५२ बैंक वित्तीय संस्थाहरुको मोबाईल बैंकिङ्ग एपमा च्एक्र कनेक्ट आईपीएस बाट फण्ड ट्रान्स्फर गर्न सकिने सेवा उपलब्ध रहेको छ भने १३ भन्दा बढि वालेटहरुमा बैंक खाताबाट क्यास इन/आउटको सेवा उपलब्ध रहेको छ । 

एनसीएचएल अन्तर्गतको आरपीएसले बैंक वित्तीय संस्था पीएसपी/पीएसओ लगायतका संस्थाहरुलाई ओपन एपीआईको माध्यमबाट रियल टाइम भुक्तानीहरु गर्न सकिने प्ल्याट्फर्म प्रदान गर्दै आएको छ । 

आरपीएसमा २० लाख प्रति कारोबार सीमा रहेको छ भने च्यानल तथा युज केसेस बमोजिम एउटै बैंकमा गरिने कारोबारको उक्त सीमा १ करोड प्रति कारोबार सम्म रहेको छ ।