हरेक शनिवार आयोजना हुदै आएको डिजिटल संवादमा सूचना प्रविधिलाई विभिन्न क्षेत्रसँग जोडेर अन्तकृया हुदै आएको छ । ११ औं संस्करणको डिजिटल संवाद कार्यक्रममा सामुदायिक विद्यालयहरुलाई वैकल्पिक सिकाईबाट विद्यार्थीहरुलाई कसरी अगाडी बढाउन सकिन्छ भन्ने सन्दर्भमा छलफल कार्यक्रम हुनेछ ।

शनिवार १ बजेदेखि अनलाइन अन्तर्गत जुममा आयोजना हुने कार्यक्रममा विभिन्न क्षेत्रका विज्ञ , सरोकारवाला , स्थानिय निकायका प्रतिनिधि तथा शिक्षकहरुको सहभागिता रहनेछ । विद्यालय स्तरको शिक्षामा वैकल्पिक सिकाइ र प्रविधि विषयमा आयोजना हुने कार्यक्रममा शिक्षा विभागका महानिर्देशक डा.तुलसी प्रसाद थपलिया स्रोत व्यत्तिको रुपमा हुनुहुन्छ ।

यसैगरी कार्यक्रममा सिकाइ समुहका प्रवन्ध निर्देशक सुदर्शन घिमिरे , ओएलइ नेपालका कार्यकारी निर्देशक रवि कर्माचार्य स्रोत व्यत्तिको रुपमा सहभागी हुनुहुनेछ । स्थानिय निकायको प्रतिनिधित्व गर्दै कार्यक्रममा बेलवारी नगरपालिकाका शिक्षा शाखा प्रमुख भुपेन्द « प्रसाद कोइरालाको उपस्थिती रहनेछ भने विद्यालयबाट कन्चन गाँउपालिकामा रहेको गजेडी विद्यालयका प्राधानाध्यापक रेश्मा भुषाल वाग्ले स्रोत व्यत्तिको रुपमा रहनुहुनेछ ।

राष्ट्रिय शिक्षक संगठनको प्रतिनिधित्व गर्दै अध्यक्ष लक्ष्मण शर्मा कार्यक्रमको अर्का स्रोत व्यत्तिको रुपमा सहभागी हुनुहुनेछ । यस वाहेक पनि देशभरका शिक्षकहरु , स्थानिय निकायका प्रतिनिधि , सूचना प्रविधि तथा शिक्षालाई प्रविधिमैत्री बनाउन काम गरिरहेका दर्जनौ व्यत्तिहरुको कार्यक्रममा सहभागिता रहने आयोजकले जानकारी दिएको छ ।

अबको शिक्षा कस्तो रहनेछ ? सरकारले विद्यार्थीलाई तत्काल वैकल्पिक प्रणालीबाट सिकाइ सुरु गरेको योजना अन्तर्गत कसरी काम भइरहेको छ ? स्थानिय निकाय , शिक्षक तथा प्राध्यापकहरु यसको लागि कतिको तयारी छन भन्ने विषयमा डिजिटल संवादको कार्यक्रममा छलफल हुनेछ । कार्यक्रममा इच्छुक जो कोहिले सहभागिता जनाउन सक्नेछन ।

यो लिंक ( http://tiny.cc/s6efpz ) मार्फत सहभागी हुन इच्छुकले रजिस्ट्रेसन गर्न सक्नेछन । रजिस्ट्रेसन पश्चात आयोजकलेक कार्यक्रमको विस्तृत जानकारी र मिटिङ आइडी तथा पासवर्ड उपलब्ध गराउनेछन । कार्यक्रमको अध्यक्षता पूर्वमन्त्री गणेश शाहले गर्नुहुनेछ ।

नेपालमा कोरोना संक्रमण देखिएसंगै गत चैतदेखि सुरु भएको लकडाउन(बन्दाबन्दी)को कारण विद्यालय गएर अध्ययन गर्ने अधिकांश सामुदायिक विद्यालयको पठनपाठन ठप्प छ र झण्डै ८० लाख विद्यार्थीहरु औपचारिक शिक्षाबाट बन्चित अवस्थामा छन । यहि अवस्थालाई मध्यनजर गर्दै शिक्षा , विज्ञान तथा प्रविधि मन्त्रालयले असार १ गतेदेखि लागु हुनेगरी “वैकल्पिक प्रणालीबाट विद्यार्थीको सिकाइ सहजिकरण निर्देशिका २०७७” जारी गरेको छ ।

गत संस्करणको कार्यक्रम हेर्नुहोस :

<iframe width="697" height="392" src="https://www.youtube.com/embed/8o3ElipUj9s" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>