अहिले बालक देखि बृद्ध सम्म सम्पूर्णले भिडियो स्ट्रिमिङ साइट युट्युबको प्रयोग गर्ने गर्द्छन । युट्युबमा हरेक कुराको बारेमा जानकारी हुन्छ । हरेक समस्याको समाधानलाई त्यहाँ प्रयोगात्मक रुपमा हेरेर आफ्ना समस्याहरुको समाधान सहज रुपमा गर्न सकिन्छ।

धेरैले यसलाई आफ्नो आम्दानीको श्रोत समेत बनाएका छन् । यसैकारण पनि  भिडियो स्ट्रिमिंग साइट युट्युब अहिले सबैभन्दा धेरै प्रयोग हुने इन्टरनेट प्लेटफर्म हो  ।

यसरि छोटो समयमानै युट्युब सफल तथा लोकप्रिय प्ल्याटफर्मको रुपमा आयो । सन् २००५ को अप्रिल २३ मा युट्युब सुरु भएको थियो । यहि अप्रिलबाट नै युट्युबले आफ्नो १३ बर्ष लामो सफल यात्रा गरिसकेको छ । साथै अप्रिल २३ मा नै युट्युबमा पहिलो भिडियो अपलोड गरिएको थियो ।

युट्युबमा पहिलो पटक युट्युबकै संस्थापक जाभेद करीमले २३ अप्रिल २००५ मा उक्त भिडियो अपलोड गरेका थिए । भिडियो केबल १९  सेकेण्ड मात्र लामो थियो ।

उनले अपलोड गरेको भिडियो चिडियाखानामा खिचीएको थियो । उक्त भिडियो अहिले सम्म ४ करोड भन्दा धेरै पटक हेरिसकिएको छ ।

युट्युबको सुरुवात चेड हर्ले , स्टिभ चेन र जाभेद करीमले गरेका थिए । सन् २००६ को नोभेम्बरमा गुगलले १ अर्ब ६५ करोड डलरमा युट्युब खरीद गरेको थियो । युट्युबमा अहिले धेरै प्रकारका फिचरहरु समावेश छन्,पहिले भन्दा धेरै परिवर्तन भइसकेको छ ।

युट्युबमा विश्वभरमा ७७ वटा देशमा ७६ वटा भाषामा प्रयोग हुनेगरेको छ र हरेक मिनटमा ४ सय घण्टा भन्दा धेरै बराबरको भिडियो अपलोड हुने गरेको छ ।