आइतबार, १९ असार, २०७९
Sunday, 03 July, 2022

दश वर्ष पूरा गरी लिभिङ विथ आइसिटी ११ औं वर्षमा प्रवेश 

लिभिङ विथ आइसिटी स्थापनाको दश वर्ष पूरा गरी ११ औं वर्षमा प्रवेश गरेको छ । सूचना तथा सञ्चार प्रविधि सम्बन्धि सूचना र ज्ञान प्रदान गर्ने उद्देश्यले आजभन्दा १० वर्ष अगाडि लिभिङ विथ आइसिटी सुरू भएको थियो । 

विराटनगरबाट सुरू भएको लिभिङ विथ आइसिटी नेपालको अग्रणी आईटी म्यागजीनको रूपमा स्थापित भएको संस्थापक राजन लम्सालले बताए । 

‘१० वर्षको यात्रा त्यति सहज र सरल थिएन्,’ लम्सालले भने, ‘बाटोमा देखिएका विभिन्न आरोह, अवरोह र चुनौतीलाई पार गर्दै लिभिङ विथ आइसिटी आज नेपालको अग्रणी आइटी म्यागजीनको रूपमा स्थापित भएको छ ।’

एक दशकअघि एउटा म्यागजीनको रूपमा सुरू भएको लिभिङ विथ आइसिटीले सूचना तथा सञ्चार प्रविधिको क्षेत्रमा लागेका व्यक्ति, स्टार्टअप तथा योगदान पुर्‍याएका अग्रजलाई प्रोत्साहन र सम्मान गर्ने गरी हरेक वर्ष आइसिटी अवार्ड समेत आयोजना गर्दै आएको छ ।

त्यस्तै सातै प्रदेशका स्टार्टअप तथा आईडियालाई प्रवर्द्धन गर्न स्टार्टअप एण्ड आईडिया फेस्ट समेत आयोजना गर्दै आएको छ । 
 

सम्बन्धित समाचार