आइसिटी समाचार
कोरोना महामारिका कारण जारी निषेधाज्ञाको समय सदुपयोग गर्ने उद्देश्वका साथ फ्युचर एजुकेशन अफ साइन्स एण्ड टेक्नोलोजीले अनलाइनबाटै निःशुल्क रुपमा पाइथन प्रोग्रामिङ सञ्चालन गर्ने भएको छ । फेस्ट कम्पनिले यसअघि पनि विभिन्न अनलाइन मार्फत विभिन्न कोर्षहरु निःशुल्क सञ्चालन गरेको थियो ।
आगामी जेठ २५ गतेबाट शुरु हुने निशुल्क कक्षा २९ जेठ सम्म सञ्चालन हुनेछ । कक्षा दैनिक ९० मिनेटसम्म सञ्चालन हुने आयोजनकले जनाएको छ ।
निःशुल्क अनलाइन कक्षामा पाइथन प्रोग्रामिङ अवसर र क्यारियरको विषयमा चर्चा गरिनेछ । पाइथनबाट बनेका विभिन्न प्रोजेक्टहरु बारेमा पनि जानकारी दिइनेछ । निःशुल्क कक्षामा पाइथनको फण्डामेन्टल्स, फ्रेमवर्क, स्कोप र एप्रोचेज आदी विभिन्न विषयमा केन्द्रीत रहेर तालिम सञ्चालन हुनेछ ।
पाइथन सेसनका लागि सुरुमा रजिस्टर गर्नेलाई प्राथमिकता दिइनेछ कम्पनीले जनाएको छ । सेसनको समय विहान ११ बजे देखि १२ः३० बजे सम्म सञ्चालन हुनेछ ।
निःशुल्क रुपमा पाइथन प्रोग्रामिङ सिक्न चाहनुहुन्छ भने यहाँ क्लिक गरी फाराम भर्नुहोस् र आफ्नो सिट सुरक्षित गर्नुहोस् ।
फेस्टले लकडाउनमा नै निशुल्क वर्णमाला गुगल प्ले स्टोरमा सार्वजनिक र सयौँ जनालाई प्रोग्रामिङ ल्याङवेज पढाइसकेको छ । विशेष गरी फेस्ट शिक्षा क्षेत्रमा काम गरिरहेको छ ।
फेस्टले विभिन्न क्षेत्रसँग सम्बन्धित सफ्टवेयर, वेबपेज डिजाइनिङ, डाटावेश डिजाइनिङ, विभिन्न किसिमका एप्लिकेशन बनाउने र आइटी सम्बन्धि काम परामर्श र इन्टनसिप र जागिरको व्यवस्था गर्ने काम पनि गरिरहेको छ ।
फेस्ट कम्पनिले विज्ञान र प्रविधिको क्षेत्रमा विगत ७ वर्ष देखि निरन्तर रुपमा सरकारी तथा गैरससरकारी संस्थाहरुमा प्रत्यक्ष तथा अप्रत्यक्ष रुपमा काम गरिरहेको छ ।
