आइसिटी समाचार
दराजले इनएप सुविधा ‘दराज जेम्स’ सार्वजनिक गरेको छ । यो नयाँ सुविधा मार्फत ग्राहकहरुले हरेक दिन दराज एपबाट सामान खरिद गर्दा भौचर पाउने छन् ।
‘जेम्स’ दराज एपमा लगातार खरिद गरिरहेका ग्राहकहरूका लागि उपलब्ध गरिएको एक इनाम प्रणाली भएको दराजले जनाएको छ ।
ग्राहकहरुले जेम्स कलेक्ट गरि भौचरको लागि रिडिम गर्न सक्नेछन् र त्यो भाउचर सामान खरिद गर्दा छुट पाउन प्रयोग गर्न सक्नेछन् ।
यसैगरी ग्राहकहरुले तीन फरक तरिकाबाट जेम्स कमाउन सक्नेछन् । दराज एपमा हरेक दिन लगइन गरी दराजबाट सामान खरिद गरि वा एड टु कार्ट, फलो द स्टोर जस्ता डेली मिसनहरू पुरा गरेर दराज जेम्स प्राप्त गर्न सकिने दराजले जनाएको छ ।
