आईसीटी समाचार
पुलचोक क्याम्पसका विद्यार्थीले आयोजना गर्दै आएको प्रबिधि मेला ‘लोकस’ यो वर्ष माघ १७ देखि आयोजना हुने भएको छ ।
तीन दिनसम्म चल्ने प्रदर्शनी यो वर्ष माघ १७, १८ र १९ गते आयोजना हुदैछ ।
पुलचोक क्याम्पसका इलेक्ट्रीकल, इलेक्ट्रोनिक्स र कम्प्युटर इन्जिनियरका विद्यार्थीले हरेक वर्ष आयोजना गर्ने मेलाको यो १७ औं संस्करण हो । तीन दिनसम्म चल्ने प्रदर्शनी यो वर्ष माघ १७, १८ र १९ गते आयोजना हुदैछ ।
सन् २००३ देखि लोकस आयोजना हुदै आएको छ । यो नेपालभरीका स्कुल तथा कलेजहरुका युवा इन्नोभेटरको लागि सीप र ज्ञान प्रदर्शनी गर्ने माध्यम हो ।
लोकसले सीपमा आधारित वर्कसप, सेमिनार, ह्याकथन तथा अन्य प्रतियोगिता सञ्चालन गर्दै आएको छ । यो वर्षको कार्यक्रम सयुक्त राष्ट्रसंघको सहकार्यमा हुदैछ ।
