आईसीटी समाचार
गूगलले हेडसेट र स्मार्ट ग्लासजस्ता एक्सटेन्डेड रियालिटी (एक्सआर) डिभाइसका लागि डिजाइन गरिएको नयाँ अपरेटिङ सिस्टम एन्ड्रोइड एक्सआर घोषणा गरेको छ ।
यो कदम गूगलको अग्मेन्टेड रियालिटी स्पेसप्रति नयाँ दृष्टिकोणको संकेत हो, जसलाई यसअघि गूगल ग्लास, कार्डबोर्ड, र डेड्रीमसँग अन्वेषण गरिएको थियो । गूगलले यो प्रोजेक्टमा सामसङ र अन्य हार्डवेयर निर्मातासँग सहकार्य गरिरहेको छ ।
विशेषगरी, गूगलको जेमिनाई एआई एन्ड्रोइड एक्सआर अनुभवको मेरुदण्ड हो । यसले प्रयोगकर्ताहरूको अन्तरक्रियालाई सुधार गर्न मल्टिमोडल एआई क्षमता प्रदान गर्दछ ।
मुख्य विशेषताहरू
– एन्ड्रोइड एक्सआरलाई नक्शा, फोटो, र युट्युबका इमर्सिभ भर्सनलाई समर्थन गर्न डिजाइन गरिएको छ ।
– यो क्रोमको नयाँ संस्करणमा मल्टिविन्डो मल्टिटास्किङको अनुमति दिनेछ ।
– यो प्लेटफर्म प्ले स्टोरका विद्यमान मोबाइल र ट्याबलेट एपहरूसँग उपयुक्त हुनेछ ।
– एन्ड्रोइड एक्सआरको पहिलो विकासकर्ता प्रिभ्यू उपलब्ध छ र यसले एआरकोर, जेटप्याक कम्पोज, युनिटी, र ओपन एक्सआरजस्ता उपकरणहरूलाई समर्थन गर्दछ ।
– विकासकर्ताहरूलाई भर्चुअल वातावरणमा आफ्ना एपहरू देखाउनका लागि एन्ड्रोइड स्टुडियोमा एन्ड्रोइड एक्सआर इम्युलेटर पनि समावेश गरिँदैछ ।
सामङको प्रोजेक्ट मोहनमा एन्ड्रोइड एक्सआर
– सामसङको आगामी ‘प्रोजेक्ट मोहन’ हेडसेट एन्ड्रोइड एक्सआर सुविधा दिने पहिलो उपभोक्ता उत्पादन हुनेछ ।
– यसले भर्चुअल रियालिटी (भीआर) र इमर्सिभ कन्टेन्ट दुवैलाई समर्थन गर्नेछ ।
– प्रोजेक्ट मोहन मेटा क्वेस्ट ३ र एप्पल भिजन प्रो हेडसेटको मिश्रण हो, तर प्रयोगकर्ताहरूको सुविधा बढाउन वैकल्पिक लाइट सिलको साथ उपलब्ध हुनेछ ।
– लिन्क्स, सोनी, र एक्सरियलजस्ता कम्पनीहरूले एन्ड्रोइड एक्सआर र क्वालकमको एक्सआर समाधानको प्रयोग गर्दै थप उपकरणहरू लन्च गर्न सक्छन् ।
– यसका साथै, गूगलले म्याजिक लीपसँग आफ्नो एक्सआर प्रोजेक्टहरूमा साझेदारी जारी राख्नेछ ।
भविष्यको योजना के छ?
गूगलका एआर र एक्सआरका उपाध्यक्ष शाहराम इजादीले एन्ड्रोइड एक्सआरका लागि तीन–आयामीय रणनीति प्रस्तुत गरेका छन्ः
- विकासकर्ताहरूलाई समावेश गर्नु ।
- जेमिनाईको संवादात्मक अनुभवको फाइदा लिनु ।
- विविध उपकरणहरूको प्रयोगलाई प्रोत्साहन गर्नु।
इजादीले जोड दिए कि यी उपकरणहरू एकअर्कालाई प्रतिस्थापन गर्न होइन, तर दैनिक गतिविधिहरूलाई समर्थन गर्न डिजाइन गरिएको हो ।
यो घोषणाले गूगलको यस विश्वासलाई उजागर गर्छ कि एआई एकीकरण प्रयोगकर्ताहरूका लागि हेडसेटलाई व्यवहारिक बनाउने मुख्य कुरा हो ।
