आईसीटी समाचार
चिनियाँ कम्पनी ब्ल्याक शार्कका उत्पादन अब नेपालमा पनि उपलब्ध हुने भएका छन् । मोबाइलमाण्डु ब्ल्याक शार्कका उत्पादन नेपालमा भित्र्याउन लागेको हो ।
ब्ल्याक शार्कको आधिकारिक वितरक मोबाइलमाण्डुले नेपालमा स्मार्टवाच, एयरपड्स, गेमिङ एक्सेसरिज र ट्याबलेट ल्याउन लागेको छ ।
सुरूवाती चरणमा स्मार्टवाच र एयरपड्स उपलब्ध हुने मोबाइलमाण्डुले जनाएको छ । यी उत्पादन दराजको ब्ल्याल फ्राइडे र मोबाइलमाण्डुमा नोभेम्बर २६ देखि उपलब्ध हुनेछन् ।
ब्ल्याक शार्कका उत्पादन नेपालमा सार्वजनिक गरेको अवसरमा मोबाइलमाण्डुले विशेष अफर र गिभअवे समेत ल्याउने तयारी गरेको छ ।
