आईसीटी समाचार
काठमाडौं । भुक्तानी सेवा प्रदायक कम्पनी नेपाल ई बिज म्यानेजमेन्ट प्राइभेट लिमिटेडको अनुमतिपत्र राष्ट्र बैंकले खारेज गरेको छ । यस कम्पनीले राष्ट्र बैंकबाट २०७७ फागुन १८ मा अनुमतिपत्र पाएको थियो ।
भुक्तानी तथा फस्यौट ऐन, २०७५ को दफा १३ (६) को व्यवस्थाबमोजिम स्वत: रद्द भएको राष्ट्र बैंकले जनाएको छ । उक्त संस्थाले जारी गरेका भुक्तानी उपकरणहरु प्रयोग गर्ने ग्राहकहरुको संस्थासँग कुनै लेनदेन बाँकी रहेको भए ३० दिनभित्र सम्बन्धित संस्थामा सम्पर्क गर्न अनुरोध गरेको छ ।
