आईसीटी समाचार
डेढ वर्ष अघि सञ्चालनमा आएको राइड शेयरिङ प्लेटफर्म ‘जाऔँ’ ले शतप्रतिशत क्यासब्याक अफर ल्याएको छ ।
नयाँ वर्ष २०८१ को अवसरमा पारेर पहिलो पटक जाऔँ सेवा प्रयोग गर्ने प्रयोगकर्ताले शतप्रतिशत क्यासब्याक पाउने छन् ।
यात्रु गन्तव्यमा पुगेपछि वालेटमा तत्कालै शतप्रतिशत क्यास ब्याक जाने जाऔंका सीईओ दुर्गेश चौधरीले बताए ।
दोस्रो पटकदेखि भने १० प्रतिशतसम्म क्यास ब्याक गरिने छ । यात्रुले मोबाइलको प्लेस्टोरमा गएर जाऔँको एप डाउनलोड गरेर चाहिए अनुसारको सुविधा लिन सक्नेछन् ।
कोशी प्रदेशका धरान, इटहरी, विराटनगर, दमक, बिर्तामोड, इनरुवा, झुम्कालगायतका मधेस प्रदेशको वीरगन्ज र जनकपुरमा कम्पनीको सेवा उपलबव्ध रहेको छ ।
राइड सेयरिङका लागि यात्रुहरूले मोटरसाइकल, अटो र कारमा सुविधा लिन सक्नेछन् ।
