आईसीटी समाचार
नेपाल एशोसिएशन फर सफ्टवेयर एण्ड आईटी सर्भिसेस कम्पनीज् (नास आईटी) ले दिगो साझेदारको रूपमा ग्लोबल आईएमई बैंकसँग सहकार्य गरेको छ ।
असार २० गते आयोजना भएको एक कार्यक्रममा नास आईटी र ग्लोबल आईएमई बैंकबीच सम्झौतापत्रमा हस्ताक्षर भएको हो ।
यो सहकार्य नास आईटीको उद्योगबीचको सहकार्यलाई प्रवर्द्धन गर्ने र प्राविधिक नवाचारमार्फत नेपालको आर्थिक विकासलाई अगाडि बढाउने मिसनमा महत्वपूर्ण कदम भएको बताइएको छ ।
यस साझेदारीमार्फत ग्लोबल आईएमई बैंकले नास आईटी सदस्य कम्पनीहरूद्वारा विकसित नवीनतम प्रडक्टहरू र सफ्टवेयरहरूमाथि पहुँच प्राप्त गर्नेछ ।
यससँगै ग्लोबल आईएमई बैंकले पनि डिजिटल बैंकिङ सम्बन्धि आवश्यक सल्लाह नास आईटीबाट पाउने छ । नास आईटी सदस्य कम्पनीहरूले बैंकबाट अनुकूलित वित्तीय सोलुसनहरू र विशेष सेवा प्राप्त गर्ने जनाइएको छ ।
ग्लोबल आईएमई बैंक नास आईटीको नवस्थापित दीगो कोषलाई सहयोग गर्ने पहिलो दीगो साझेदार बनेको छ । नास आईटीले प्रमुख साझेदारहरूसँग साझेदारी गर्न, नवाचार र अनुसन्धानलाई प्रवर्द्धन गर्न, स्टार्टअपहरू र साना व्यवसायहरूलाई समर्थन गर्न, शिक्षा र सीप विकासलाई प्रवर्द्धन गर्न, सामुदायिक संलग्नता तथा सामाजिक जिम्मेवारीलाई प्रोत्साहन गर्न दीगो कोष सुरू गरेको छ ।
